औरंगाबाद - सार्वजनिक गणेशोत्सवासाठी जमा करावयाच्या वर्गणीच्या परवानगीची प्रक्रिया सुरू झाली आहे. दोन सप्टेंबरपर्यंत कार्यालयीन वेळेत सार्वजनिक सुटीचे दिवस वगळून परवानगी देण्यात येत आहे, अशी माहिती धर्मादाय उपायुक्त पी. पी. श्रीनिवास यांनी दिली.
त्या म्हणाल्या, परवानगीशीवाय वर्गणी जमा करणे बेकायदेशीर आहे. परवानगीसाठी धर्मादाय आयुक्त कार्यालयाकडून ऑनलाइन, ऑफलाइन सुविधा आहे. ऑनलाइनसाठी www.charity.maharashtra.gov.in संकेतस्थळावर मंडळाची नोंदणी करता येते. संकेतस्थळावर पीपीटी फॉरमॅटमध्ये माहिती उपलब्ध आहे. गणेश मंडळींनी मुदतीत अर्ज करण्याचे आवाहन धर्मादाय आयुक्त कार्यालयातर्फे करण्यात आले आहे. संस्था नोंदणी अधिनियमात मंडळाचा गणेश उत्सव साजरा करणे हा उद्देश असेल त्यांनी परवानगी घेण्याची आवश्‍यकता नाही.
मागील वर्षीचा खर्च सादर करावा लागणार
ज्या गणेश मंडळांनी मागील वर्षी परवानगी घेतली असेल, उत्सव साजरा केला असेल, अशा गणेश मंडळांला गतवर्षीचा हिशेब सादर करणे बंधनकारक असणार आहे. तसेच नवीन मंडळांनी अर्ज करतेवेळी संबंधित क्षेत्रातील महापालिका, नगरपालिका, ग्रामपंचायत, नगरपंचायत व इतर स्थानिक स्वराज्य संस्थाकडून त्याठिकाणी गणेश उत्सव साजरा करण्याची अनुमती असल्याचे पत्र व जागा मालकाची ना-हरकत जोडणे बंधनकारक असल्याचेही श्रीमती श्रीनिवार यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.