गेवराई - पोलीस व महसूल प्रशासनातील म्हणून पोलीस पाटील महत्वाचा दुवा समजला जातो. गावखेड्यातील बहुतांशी कामात पोलीस पाटलांची मदत घेतली जाते. असे असताना देखील गेवराईच्या तब्बल १५८ गावात पोलीस पाटील नाहीत. परिणामी पोलीस व महसूल प्रशासनाला तारेवरची कसरत करावी लागत आहे.
गावातील सरपंच याप्रमाणेच पोलीस पाटील एक महत्वाचे पद आहे.त्यांच्या खांद्यावर विविध जबाबदारीचे ओझे आहे. महसूल विभागाचा काही कार्यक्रम असला की पोलीस पाटलास कामाला लावले जाते.याशिवाय गावातील कायदा व सुव्यवस्था बिघडल्यास पोलीसांना पोलीस पाटलांची आठवण येते. पोलीस पाटलांना देखील वेळेचे बंधन नसल्याने रात्रंदिवस त्यांना आपली जबाबदारी पार पाडावी लागते.
दरम्यान गेवराई तालुक्यात एकूण जवळपास १९० महसूली गावे आहेत. शिवाय तीन पोलीस ठाणे असून, यात गेवराई पोलीस कार्यक्षेत्रातील १२ गावात पोलीस पाटील कार्यरत असून ६२ गावे पोलीस पाटलाविना आहेत. चकलांबा पोलिस ठाणे हद्दीतील तीनच गावात पोलीस पाटील आहेत. ४५ गावातील पोलीस पाटलांचे पद रिक्त असून, तलवाडा पोलीस ठाणेंतर्गत १५ गावात पोलीस पाटील आहेत तर ५१ गावे पोलिस पाटलाविना आहेत.
आरक्षण सोडतीला वर्ष लोटले -
बीड जिल्ह्यातील गावातील पोलीस पाटील पदाची आरक्षण सोडत होऊन एक वर्ष झाले तरी प्रशासनाकडून आद्याप पोलीस पाटील भरती करण्यात आलेली नसल्याने पोलीस पाटलांची भरती करण्यात यावी अशी मागणी होत आहे.
मानधनात भरीव वाढ -
पोलीस पाटील हे महत्वाचे पद असल्याने त्यांना तोकड्या वेतनावर काम करावे लागत आहे. महागाईच्या काळातही त्यांचे मानधन वाढीव करण्यात येत नव्हते. संघटनानी अनेक वेळा आंदोलने करून यास यश आले नाही. मात्र, २०२४ च्या १५ मार्चपासून पोलीस पाटलांचे मानधन १५ हजार रुपये केल्याने पोलीस पाटलातून आनंद व्यक्त होत आहे.
अशी करावी लागतात पोलीस पाटलांना कामे -
* गावातील कायदा सुव्यवस्था राखणे
* महसूलच्या शेतसारा याकरिता मदत करणे
* रस्ते शेतजमिनीच्या तक्रारीचे निवारण करणे
* अतिवृष्टी, दुष्काळी पंचनाम्यात उपस्थित राहणे
* गावातील बालविवाह रोखणे
* आत्महत्या अथवा अन्यथा आकस्मिक घटना घडल्यास पोलीसांना माहीती देणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.