येरमाळा - वाशी तालुक्यातील वडजी येथे शेतात काम करत असताना अचानक आगी मोहळ उठुन मोहळाच्या माश्या चावल्याने एक जनाचा मृत्यु झाल्याची घटना घडली. तर दोन महिला जखमी असल्याने त्यांच्यावर उपचार सुरु आहेत.
याबाबत सविस्तर माहिती अशी की, वाशी तालुक्यातील वडजी गावात शेतात कामासाठी गेलेल्या लोकांना पाच वाजेच्या सुमारास आगी मोहळ उठुन त्याच्या माशा चावल्याने दशरथ सदाशिव जाधवर, चंद्रकला दशरथ जाधवर, लता श्रीराम जाधवर, शांता चंद्रकांत मोराळे, तुळसाबाई विनायक जाधवर जखमी झाले.
जखमींना तेरखेडा प्राथमिक आरोग्य केंद्रात प्रथोमोपचार करत असताना दशरथ सदाशिव जाधवर (वय-६०) यांच्या मृत्यु झाला. चंद्रकला दशरथ जाधवर (वय-५५), शांता चंद्रकांत मोराळे या जखमी महिलांवर कळंबाच्या जाधवर हॉस्पिटल येथे उपचारासाठी दाखल करण्यात आले आहे. इतर दोन महिलांना प्रथोमोपचार करुन घरी सोडण्यात आले.
आज दुपारी ही आगी मोहोळ उठुन मागे लागल्याचा प्रकार घडला होता. तेव्हा महिलांनी ज्वारी पिकात लपून माश्यापासून बचाव केला होता. दशरथ जाधवर हे पायाने थोडे अपघातात जखमी झाल्याने अपंग असल्याने ते दाजीच्या विहिरीवरची मोटार चालु करण्यासाठी गेले असता ते दुचाकी वरुनच मोटार चालु करत असतं.
नेमक्या याचवेळी मोहोळ उढून त्यांच्या अंगावर मोहोळाच्या माशानी हल्ला केल्याने त्यांना बचाव करता आला नाही, यात ते गंभीर जखमी झाल्याने त्यांचा उपाचारदरम्यान मृत्यु झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.