उस्मानाबादमध्ये औद्यागिक वसाहतीजवळील भीषण अपघातात एकाचा मृत्यू | Sakal
sakal

बोलून बातमी शोधा

Osmanabad

सोबत असलेले शिवसेनेचे शहराध्यक्ष संजय मुंडे व सहकारी सूरज शिंदे हे जखमी झाले आहेत

उस्मानाबादमध्ये औद्यागिक वसाहतीजवळील भीषण अपघातात एकाचा मृत्यू

उस्मानाबाद: शहरातील औद्यागिक वसाहतीच्या समोरील रस्त्यावर झालेल्या भीषण अपघातात बाळासाहेब देशमुख यांचा मृत्यू झाला आहे. तर सोबत असलेले शिवसेनेचे शहराध्यक्ष संजय मुंडे व सहकारी सूरज शिंदे हे जखमी झाले आहेत. हा अपघात रात्रीच्या दोनच्या सुमारास झाला. जखमींना तातडीने जिल्हा शासकीय रुग्णालयात उपचारासाठी दाखल करण्यात आले असून त्यांच्यावर उपचार सुरू आहेत. मिळालेल्या माहितीनुसार रस्ता चुकल्याने व गाडी नियंत्रित न झाल्याने अपघात झाला. सुरज शिंदे व संजय मुंडे हे दोघे समोर पुढील सीटवर बसल्याने गाडीला धक्का बसल्यानंतर एअर बॅग उघडल्याने त्यांचा बचाव झाला.

मात्र पाठीमागे बसलेले बाळासाहेब देशमुख यांना जोराची धडक बसली व त्यामध्ये त्यांच्या डोक्याला जबर इजा झाली. काही वेळातच ते बेशुद्ध झाले व नंतर त्यांचा मृत्यू झाल्याचे सांगितले जात आहे. ही घटना गुरुवारी रात्री दोनच्या सुमारास डस्टर कारने परगावी जात होते. बाळासाहेब देशमुख हे शिवसेनेमध्ये सक्रिय काम करत होते. त्यांनी एकवेळा नगरपालिका एकदा जिल्हापरिषदेची निवडणूकदेखील लढविली होती. त्यांच्यावर येथील कपिलधार स्मशानभुमीमध्ये अंत्यसंस्कार करण्यात आले

Web Title: Osmanabad Accident Near Midc One Died Two Injured

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Osmanabad