तुळजापूर (जि.उस्मानाबाद) : शहरातील लातूर रस्त्यावरील एका लॉजवर छापा टाकून पोलिसांनी वेश्या व्यवसाय करणाऱ्या नऊ महिलांसह सात पुरुषांना पकडले. ही कारवाई मंगळवारी (ता.१६) सायंकाळी करण्यात आली. शहरातील लातूर रस्त्यावर असणाऱ्या एका लॉजमध्ये वेश्या व्यवसाय सुरू असल्याची माहिती पोलिसांना मिळाली होती. यानुसार मंगळवारी सायंकाळी सात वाजण्याच्या सुमारास पोलिसांनी छापा टाकला.
यात नऊ महिलांसह सात पुरुष आढळून आले. या प्रकरणी रात्री उशिरापर्यंत गुन्हा दाखल करण्याचे काम सुरू होते. तुळजापूर तीर्थक्षेत्राच्या ठिकाणी सदरचा गैरप्रकार उघडकीस आल्याने मोठी खळबळ उडाली आहे. जिल्हा पोलिस अधीक्षक राजतिलक रोशन यांच्या मार्गदर्शनाखाली उपविभागीय पोलिस अधिकारी डॉ. दिलीप टिप्परसे यांच्यासह स्थानिक गुन्हे अन्वेषण पथकाने ही कारवाई केली.
संपादन - गणेश पिटेकर
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.