अणदुरमधील अल्पवयीन मुलीवर झालेल्या अत्याचाराच्या निषेधार्थ नळदुर्गात कडकडीत बंद

नळदुर्ग (उस्मानाबाद): जिल्ह्यातील अणदूर ( ता. तुळजापूर ) येथील अल्पवयीन मुलीवर अत्याचार झालेल्या घटनेच्या निषेधार्थ  नळदुर्गवासीयांनी शनिवारी ( ता.सहा ) शहरातील बाजारपेठ बंद ठेवून निषेध व्यक्त केला. या प्रकरणातील फरार झालेल्या तिसऱ्या आरोपीस अटक करावी व कठोर कारवाईसह इतर मागण्यांचे निवेदन पोलिसांना देण्यात आले. तत्पुर्वी भवानी चौकात निषेध सभा घेऊन पोलिस ठाण्यापर्यंत मूक मोर्चा काढण्यात आला.

या निषेध सभेस माहिलांची उपस्थिती लक्षणीय होती. सहाय्यक पोलिस उपनिरिक्षक जगदिश राऊत यांना महिलांच्या हस्ते निवेदन देण्यात आले. अणदुर येथील अल्पवयीन मुलीवर झालेल्या अत्याचाराचा व  नळदुर्ग पोलिस ठाणे अंतर्गत बस प्रवासदरम्यान घडलेल्या शालेय विद्यार्थीनीच्या विनयभंग प्रकरणाचाही यावेळी निषेध करण्यात आला.

निलंग्यात चोरांचा धुमाकूळ! गाडीच्या डिक्कीतून 2 लाख रुपये लंपास; 10 दिवसांतील...

तसेच नळदुर्ग महाविद्यालय, बसस्थानक येथे वावरणा-या टवाळखोरांवर कारवाई करण्याची, बसस्थानक परिसरात सुरू आसलेले अवैध धंदे बंद करण्याची व बसस्थानकात कायमस्वरूपी दोन पोलिस शिपाई नेमण्याची मागणी केली. या निषेध सभेत शहरातील सर्वधर्मीय व्यक्ती, विविध राजकीय पक्षाचे पदाधिकारी, आजी माजी नगरसेवक, प्रतिष्ठित नागरिक, विविध  सामाजिक संघटनेचे पदाधिकारी, महिला, व्यापारी, तरूणांनी मोठी गर्दी केली होती.

कळंबच्या गटविकास अधिकाऱ्याविरुद्ध अविश्वास ठराव मासिक सभेत मंजूर

बंददरम्यान अत्यावश्यक सेवा वगळता शंभर टक्के बाजारपेठ बंद ठेवत व्यापाऱ्यांनी चांगला पाठिंबा दिला. बाजारपेठ बंद असल्यामुळे बाहेर गावाहून आलेल्या नागरिकांची तारांबळ उडाली. दिवसभर बाजारात शुकशुकाट होता.

(edited by- pramod sarawale)