रक्षक बनला भक्षक! बंदुकीचा धाक दाखवून पोलिसाने केला विवाहितेवर बलात्कार, महिलेने आत्महत्येपूर्वी लिहिले सुसाईट नोट

उस्मानाबाद : एका ३२ वर्षीय विवाहितेने मंगळवारी (ता.दोन) बांधकामाच्या ठिकाणी गळफास घेऊन आत्महत्या केली आहे. या प्रकरणी मृत महिलेच्या पतीने दिलेल्या तक्रारी म्हटले आहे, की उस्मानाबाद पोलिस दलातील एका पोलिसाने सप्टेंबर २०२० पासून वेळोवेळी माझ्या पत्नीस बंदुकीचा धाक दाखवून तिचे लैंगिक शोषण केल्याने तिने आत्महत्या केली आहे. यावरुन संबंधित पोलिसाविरुद्ध कलम ३७६, ३०६, ५०६ अंतर्गत उस्मानाबाद पोलिस ठाण्यात गुन्हा नोंदविण्यात आला आहे. ही पोलिस खात्याला लाजवेल अशी धक्कादायक घटना घडली आहे. याबाबत महिलेने सुसाईड नोट लिहिले आहे.

हेही वाचा - राजीनाम्यावरुन मुंडे बहीण-भाऊ पुन्हा समोरासमोर, पूजा चव्हाण आत्महत्या प्रकरणावर राजकारण!

या प्रकरणी पोलिस नाईक हरिभाऊ कोळेकर याच्यावर उस्मानाबाद शहर पोलिस ठाण्यात गुन्हा नोंदविण्यात आला आहे. त्याला अटक करण्यात आली आहे. घटनास्थळावरुन दोन सुसाईड नोट सापडल्या असून त्यात पोलिसाच्या त्रासाला कंटाळून महिलेने टोकाचे पाऊल उचलल्याचे समोर येत आहे. महिलेने सुसाईट नोटमध्ये लिहिले आहे, की मी माझ्या मर्जीने आत्महत्या करित आहे. याला जबाबदार हरिभाऊ रामदास कोळेकर असणार आहे. मी फाशी घेणार आहे. त्या कोळेकरच्या घरी करारण त्यानेच माझे वाटोळे केले. त्याने माझा पहिल्यांदा घरी येऊन रेप केला व त्या आधारे मला सारखे धमकावत होता. बंदुकीचा धाक दाखवून. यात माझ्या नवऱ्याचा काय दोष नाही.

संपादन - गणेश पिटेकर