बेंबळी पोलिसांनी परस्पर केला ५० जप्त वाहनांचा लिलाव; लिलाव रद्द करण्याची नागरिकांची मागणी

बेंबळी (उस्मानाबाद): येथील पोलिस ठाण्यात जप्त करण्यात आलेल्या तब्बल पन्नास पेक्षा अधिक वाहनांचा बुधवारी (ता. ३१) सकाळी अचानक लिलाव करण्यात आला. मात्र या लिलावाचे प्रगटन प्रादेशिक वर्तमानपत्रात किंवा सार्वजनिक ठिकाणी न केल्याने या लिलावात सहभागी होण्यापासून बरेच लोक वंचित राहिले आहेत. पोलिसांनीच अशाप्रकारे लिलाव घेणाऱ्यास सोईस्कर नियमांचा वापर केल्याने हा लिलाव रद्द करावा अशी मागणी लोकांनी केली आहे.

बेंबळी (ता. उस्मानाबाद) पोलीस ठाण्याच्या हद्दीत पन्नासपेक्षा अधिक गावांचा समावेश आहे. मागील काही वर्षात जप्त करण्यात आलेल्या जवळपास पन्नास दुचाकी, ट्रॅक्टर आणि चारचाकी कार या वाहनांचा समावेश आहे. या वाहनांचा जाहीर लिलाव होणार हे दोन आठवड्यापूर्वी निश्चित झाले होते.

हिंगोली : तीन महिण्यापासून वेतन मिळाले नसल्याने नगरपालिका कर्मचाऱ्यांचा काळ्या...

मात्र किती तारखेला होणार हे जाहीर केले नव्हते. सध्या लहानसहान गोष्टींना सोशल मीडियाचा वापर होतो, गावात दवंडी दिली जाते, चावडीवर किंवा गावातील ग्रामपंचायत आदी सार्वजनिक ठिकाणी जाहीर प्रगटन केले जाते. यामुळे या लिलाव प्रक्रियेत जास्तीतजास्त लोकांना भाग घेता आला असता. त्यामुळे शासनाचा महसूलही वाढला असता. मात्र कांही मर्जीतील  विशिष्ट लोकांना बोलावून लिलाव जाहीर नव्हे तर खाजगी केल्याचे लोकांचे म्हणणे आहे.

पोलीस अधीक्षक यांचे म्हणणे - या बाबत पोलीस अधीक्षक राजतिलक रोशन यांना संपर्क करून झालेला प्रकार सांगितला असता, त्यांनी संबंधित पोलीस ठाण्यात आपण बोलतो असे सांगितले.

Corona Updates: उदगीरात २४ तासांत कोरोना रुग्णांची उच्चांकी वाढ

अपर पोलीस अधीक्षक यांचे म्हणणे - अपर पोलीस अधीक्षक संदीप पालवे यांनाही याबाबत विचारणा केली असता, आपण आक्षेप नोंदवा ही प्रक्रिया पुन्हाही करता येईल असे सांगितले.