उस्मानाबाद : शेतकऱ्यांचे डोळे आभाळाकडे | Sakal
sakal

बोलून बातमी शोधा

kharif sowing pending lack of rainfall

उस्मानाबाद : शेतकऱ्यांचे डोळे आभाळाकडे

तुळजापूर : तालुक्यात खरीप पेरणी केलेले शेतकरी पेरणी झाल्याने चिंतेत आहेत तर पावसाचे आगमन कधी होईल या आशेवर ९० टक्के शेतकरी खरिपाच्या पेरणीच्या प्रतीक्षेत आहेत. तालुक्यात मृग नक्षत्र सुरू झाल्यानंतर काही ठिकाणी पेरणी होईल या आशेने शेतकरी वर्ग तयारीला लागला होता. काही शेतकऱ्यांनी बी-बियाणांची तयारी केली. तथापि खरिपाची पेरणी एखादा दमदार पाऊस झाल्यानंतर करू या आशेवर शेतकरी थांबलेला आहे. तालुक्यात १ लाख १० हजार हेक्टरपैकी सुमारे ८० हजार हेक्टर सोयाबीनची पेरणीची तयारी शेतकऱ्यांनी केलेली आहे.

मृग नक्षत्रात आघाडीची पेरणी झाल्यास उत्पन्नाचा चांगला स्त्रोत येतो अशी शेतकऱ्यांची धारणा आहे. तथापि पाऊसच दमदारपणे नाही. त्याचा फटका खरीप पेरणीला झालेला आहे. कृषी कार्यालयाकडून साधारणपणे साडे सात हजार ते दहा हजार हेक्टरपर्यंत पेरणी झाल्याचा अहवाल गेलेला आहे. शेतकरी वर्ग पेरणी झालेले क्षेत्र चांगले उगवण झाल्यास त्याला दमदार पावसाची आवश्‍यकता आहे असे सांगत आहेत. तथापि केवळ वारा सध्या आहे. पेरणी झालेल्या क्षेत्रात एक एकरी साधारण साडे आठ ते दहा हजार रुपये खर्च येतो. त्यामध्ये पेरणी पूर्वीची रोटावेटरची मशागत तसेच ट्रॅक्टरने पेरणी आणि खताचा एकरी पंधराशे ते दोन हजार रुपये खर्च आहे.

सर्व काही ठप्प

पाऊस नसल्याने ट्रॅक्टरवर पेरणी करणारे ट्रॅक्टर व्यावसायिक सध्या पेरणी बंद असल्याने व्यवसायाविना आहेत. तसेच खते आणि बियाणांचे दुकानदार शेतकरी बियाणे आणि खते खरेदीसाठी पाऊस नसल्याने येत नाहीत. याशिवाय ज्या शेतकऱ्यांचे पेरणी करण्याचे क्षेत्र आहे. त्या शेतकऱ्यांना अंतर्गत मशागत करण्याची वेळ आली आहे.

खर्च वाया जाणार

ज्या शेतकऱ्यांनी खरीप पिकाची पेरणी केलेली आहे ते पाऊस केव्हा पडेल याच्या प्रतीक्षेत आहेत. तसेच पाऊस न पडल्यास त्यांचा पेरणीचा खर्चही वाया जाणार आहे. आमच्या भागात सुमारे ४० टक्के शेतकऱ्यांना खरिपाच्या पेरण्या केलेल्या आहेत, अशी प्रतिक्रिया काटी येथील शेतकरी निलय्या सोनवणे यांनी दिली.

तालुक्यात साधारणपणे दहा टक्के पेरणी झालेली आहे. पाऊस नसल्याने सध्या पेरणी थांबलेली आहे. आठ ते दहा टक्के पेरणी तालुक्यात झालेली आहे. साधारणपणे आठ हजार हेक्टरवर पेरणी झालेली आहे.

- संजय जाधव, तालुका कृषी अधिकारी, तुळजापूर.

Web Title: Osmanabad Tuljapur Farmers Kharif Sowing Pending Lack Of Rainfall

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top