झरी (जिल्हा परभणी) : झरी परिसरातील 60 रोहित्राच्या कामाची जबाबदारी केवळ एकाच कर्मचाऱ्यावर असल्याने या परिसरात विजेचे प्रश्न सातत्याने समोर येत आहेत. असे असतांनाही विज वितरण कंपनीकडून या ठिकाणी कर्मचाऱ्यांची संख्या वाढविली जात नसल्याने ग्राहकांमध्ये नाराजी पसरली आहे.
झरी परिसरात गेल्या 15 दिवसापासून वीजेचा प्रश्न सोडविल्या जात नाही. ग्राहक संख्या जास्त असली तरी विज कंपनीकडून कर्मचाऱ्यांची पदे भरली जात नसल्याने विजेच्या प्रश्नाची संख्या वाढली आहे. एखादा दोष दुरुस्त करण्यासाठी तब्बल 10 ते 15 दिवसाचा कालावधी लागत असल्याने वीज वारंवार खंडीत होऊन ग्राहकांना त्याचा त्रास सहन करावा लागत आहे. या परिस्थितीकडे महावितरणच्या वतीने सातत्याने दुर्लक्ष केले जात आहे. झरी येथील घरगुती ग्राहकांची संख्या जवळपास बाराशेच्या जवळपास आहे. तसेच शेती ग्राहक संख्या दीड हजाराच्या जवळपास असून कुटिर आणि लघु उद्योगा संख्या जवळपास तिसच्या जवळपास असल्यामुळे तसेच रोहित्र साठ आहेत. सदरील रोहित्रावर रोज कॉलसाठी तीन ते चार दिवसाचा कालावधी लागत असल्यामुळे ग्राहकांमध्ये नाराजीचे वातावरण पसरले आहे. दिवाळी सण जवळ आलेला असतांना आशा परिस्थितीत तरी महावितरण खबरदारी घेऊन विद्युत पुरवठा सुरळीत करावा अशी मागणी परिसरातून होत आहे.
गेल्या पंधरा दिवसांपासून या ना त्या कारणामुळे शेती पंपांचा विज पुरवठा खंडित होत आहे. दररोज तांत्रिक दोषाच्या नावाखाली गेल्या पंधरा दिवसापासून विद्युत पुरवठा खंडीत होत आहे. सद्यस्थितीला गव्हाची पेरणी चालू असल्यामुळे शेत भिजवण्यासाठी विद्युत पुरवठा आवश्यक असतो. परंतू वीज पुरवठा खंडित असल्यामुळे गव्हाचे शेत भिजण्याचे काम लांबणीवर पडत आहे. त्यामुळे पेरणी लांबण्याची शक्यता आहे आहेमार्च 2019 मध्ये महावितरणच्यावतीने ग्राहक मेळावा घेऊन बिल दुरुस्तीसाठी अर्ज मागविले होते. परंतु गेल्या दीड वर्षभरापासून सदरील ग्राहकाची विज बिल दुरुस्त न झाल्यामुळे विनाकारण व्याज वाढत आहे. त्याचाही विद्युत व्याजाचा भार वाढत आहे. गेले चाळीस ते पन्नास वर्षापूर्वीचे तार असल्यामुळे विद्युत तार जीर्ण अवस्थेत झाले आहे. अनेक तार बिल्डींग पासून कडेला गेल्यामुळे अनेक आपला जीव मुठीत घेऊन त्या तारा पासून जावे लागत आहे. गेल्या पंधरा दिवसापासून मला गहू पेरणीसाठी शेत भिजवायचे आहे. परंतू विद्युत पुरवठा सुरळीत नसल्यामुळे माझी गव्हाची पेरणी लांबण्याची शक्यता आहे अशी प्रतिक्रिया झरी येथील शेतकरी सुरेश जगाडे यांनी दिली.
संपादन- प्रल्हाद कांबळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.