30-Year Journey of Homemade Spice Business: कांडप यंत्रातून उभा राहिला स्वादाचा प्रवास; परळीच्या जाधव मसाल्याची ३० वर्षांची परंपरा

परळी: शहरातील एखाद्या जुन्या वाडीतून किंवा बाजारपेठेतून जाताना कधी कधी लाल मिरच्यांचा झणझणीत सुगंध हवेत दरवळताना जाणवतो. तो सुगंध अनेकांच्या चवीला भुरळ घालणारा आहे. हा सुगंध आहे जाधव कुटुंबाच्या घरगुती लाल तिखट आणि काळ्या मसाल्याचा. गेली तब्बल तीस वर्षे या मसाल्याची चव परळीकरांच्या स्वयंपाकघरात टिकून आहे. आज मोठमोठ्या कंपन्यांचे मसाले बाजारात उपलब्ध असले, तरी ‘परळीचा जाधवांचा मसाला’ ही ओळख अजूनही तितकीच मजबूत आहे.