परभणी : शासकीय वैद्यकीय महाविद्यालयासाठी लागणाऱ्या जागेची मराठवाडा विकास महामंडळ व महाराष्ट्र औद्योगिक विकास महामंडळाच्या पथकाने शुक्रवारी (ता. पाच) पाहणी पूर्ण केली. या दोन्हीचे अहवाल जिल्हाधिकारी परभणी तसेच उद्योग मंत्रालयाकडे पाठविण्यात आले आहेत.
मराठवाडा विकास महामंडळाची दुय्यम कंपनी असलेल्या परभणी कृषी गोसंवर्धन मर्या. यांची परभणी जिल्ह्यातील जमीन शासकीय वैद्यकीय महाविद्यालय व रुग्णालय तसेच टेक्सटाईल पार्क उभारण्याचा सविस्तर प्रस्ताव दाखल करण्याचे आदेश उद्योग मंत्रालयाने व्यवस्थापकीय संचालक मराठवाडा विकास महामंडळ, औरंगाबाद व उप मुख्य कार्यकारी अधिकारी महाराष्ट्र औद्योगिक विकास महामंडळ मुंबई यांना ता. 27 जानेवारी रोजी दिले होते. त्यानुसार शुक्रवारी (ता. पाच) मराठवाडा विकास महामंडळ, महाराष्ट्र औद्योगिक विकास महामंडळासह महसुलच्या अधिकाऱ्यांनी ब्रम्हपुरी, ब्राम्हणगाव, परभणी याठिकाणी असलेल्या परभणी कृषी गोसंवर्धनच्या जागेची पाहणी केली. त्यानंतर याचा अहवाल उद्योग मंत्रालयास सादर केला जाणार आहे. त्यानंतर औद्योगिक विकास महामंडळ व जिल्हाधिकारी परभणी यांच्याकडून तयार केलेला प्रस्ताव शासकीय वैद्यकीय महाविद्यालय उभारणीकरिता जमीन हस्तातंरणाचा प्रस्ताव मराठवाडा विकास महामंडळाच्या संचालक मंडळाच्या बैठकीत मांडण्यात येणार आहे.
जिल्हाधिकारी कार्यालयात बैठक
जिल्हाधिकारी दीपक मुगळीकर यांच्या दालनात शुक्रवारी बैठक झाली. या बैठकीस मराठवाडा विकास महामंडळाचे व्यवस्थापकीय संचालक काशिनाथ देकाटे, महाराष्ट्र ओद्योगिक विकास महामंडळाचे विभागीय व्यवस्थापक राहूल
भिंगारे, तहसिलदार डॉ. संजय बिरादार, भुमी अभिलेख विभागाचे श्री. सोनवणे, परभणीकर संघर्ष समितीचे संयोजक माजी आमदार अॅड. विजयराव गव्हाणे, माजी खासदार अॅड. तुकाराम रेंगे पाटील, निवृत्त निवासी उपजिल्हाधिकारी विश्वंभर गावंडे, अजय गव्हाणे, रामेश्वर शिंदे, किर्तीकुमार बुरांडे आदींची उपस्थिती होती. या बैठकीत प्रस्तावासंदर्भात चर्चा करण्यात आली.
मेडीकल कॉलेजसाठीच्या जागेतील अडचण दुर
महाराष्ट्र औद्योगिक विकास महामंडळाला टेक्सटाईल पार्कसाठी परभणी कृषी गोसंवर्धनाची जागा पाहूण तसा प्रस्ताव सादर करण्याचे आदेश होते. त्यानुसार विभागीय व्यवस्थापक राहूल भिंगारे यांनी हा जागा टेक्सटाईल पार्कसाठी योग्य
नसल्याचा अहवाल उद्योग मंत्रालयाकडे दिला आहे. त्यामुळे परभणी कृषी गोसंवर्धनाच्या जागेवर शासकीय वैद्यकीय महाविद्यालय तयार करण्याचा अडथळा दुर झाला आहे.
संपादन- प्रल्हाद कांबळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.