Vidhansabha Election : अस्तित्वाच्या लढाईत खासदार डॉ. कल्याण काळेकडून संघटनेला बळ.!

फुलंब्री - फुलंब्री विधानसभा मतदारसंघ भाजपच्या ताब्यातून घेण्यासाठी काँग्रेसने मतदारसंघात जोरदार फिल्डींग लावली आहे. या मतदारसंघाचे माजी आमदार डॉ. कल्याण काळे यांची खासदार पदी निवड झाल्याने काँग्रेसच्या दुसऱ्या फळीतील कार्यकर्ते तयारी लागले आहे. त्यामुळे येणाऱ्या काळात अस्तित्वाची लढाई काँग्रेसची असणार आहे..फुलंब्री विधानसभा मतदारसंघ हा जास्तीचा काळ भाजपच्या ताब्यात राहिला आहे. या विधानसभा मतदारसंघात सर्वाधिक आमदार होण्याचा मान आताचे राजस्थानचे राज्यपाल हरिभाऊ बागडे यांनी मिळविला आहे. हरिभाऊ बागडे राजस्थानचे राज्यपाल झाल्याने भाजपकडून दुसऱ्या फळीतील पदाधिकारी तयारी लागली आहे.त्याच धर्तीवर बागडे यांचे राजकीय प्रतिस्पर्धी असलेले डॉ. कल्याण काळे हे जालना लोकसभा मतदारसंघातून खासदार म्हणून निवडून आल्यामुळे हा मतदारसंघ आमदार नसल्याने पोरखा झाला आहे. त्यात आता काँग्रेस कडून खासदार डॉ. कल्याण काळे पक्षातील संघटनावर भर देत आहे. काँग्रेसचे दुसऱ्या फळीतील पदाधिकारी आमदारकीची तयारी करू लागले आहे. त्यामुळे काँग्रेसच्या या अस्तित्वाच्या लढाईत पक्ष कोणावर जबाबदारी देतो हे येणाऱ्या काळातच दिसून येणार आहे..काँग्रेस पक्षातील इच्छुक उमेदवारकाँग्रेस पक्षातून सर्वाधिक दावेदार म्हणून सेवा दलाचे प्रदेशाध्यक्ष विलास औताडे यांच्याकडे पाहिले जाऊ लागले आहे. तर त्या खालोखाल खासदार डॉ.काळे यांचे बंधू जगन्नाथ काळे, काँग्रेस पक्षाचे तालुकाध्यक्ष संदीप बोरसे यांचेही नाव चर्चेत आहे. तर पाथ्री येथील शिक्षणमहर्षी द्वारकाभाऊ पाथ्रीकर यांचे चिरंजीव वरून पाथ्रीकर यांनी मतदार संघात चाचपणी करून दौरे सुरू केले आहे.खासदारा डॉ.काळे समोर पडणार पेच..?जालना लोकसभा मतदारसंघाच्या निवडणुकीच्या दरम्यान डॉ. कल्याण काळे व विलास औताडे या दोघांनी मुंबई येथील पक्षाच्या वरिष्ठ नेत्यांच्या बैठकीत साटे लोटे केल्याची चर्चा आहे. खासदारकीला काळे तर आमदारकीला औताडे असे समीकरण ठरल्याची मतदारसंघात चर्चा आहे..असे असले तरीही काँग्रेस पक्षासाठी सातत्याने संघटनेत एकनिष्ठेने काम करणारे संदीप बोरसे, वरून पाथ्रीकर हे देखील दावेदार आहे. तर दुसरीकडे खासदार डॉ. काळे यांची बंधू प्रेरणा बँकेचे अध्यक्ष जगन्नाथ काळे यांनी तयारी दर्शविल्याने खासदार डॉ.कल्याण काळे यांच्यासमोर मोठा पेच निर्माण होणार असल्याची शक्यता आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.