परतूर - परतूर शहरात २२ एप्रिल रोजी शहरात दोन साईबाबा मंदिर परिसरात रोडवर एका महिलेचे गंठण व एका जणांचे मोबाईल व रोख रक्कम हिसकावणाऱ्या चोरट्यांना परतूर पोलिसांनी शिताफीने पाठलाग करून पकडले असून, दोघजण अटक केली. तर तिघेजण पसार झाले आहे..परतूर शहरातील साईबाबा रोड ते टेलीफोन टावर दरम्यान एका लग्न समारंभ सोहळ्याच्या दिवशी फिर्यादी दत्ता आसाराम ठाकरे व शीतल संतोष आर्दाड यांचे २२ एप्रिल रोजी सायंकाळी ७:३० वाजता साई बाबा चौक परिसरात मोटार सायकल थांबवून मोबाईलवर बोलत असताना ४ चोरट्यांनी दत्ता ठाकरे यांच्याकडून मोबाईल खिशातील नगदी ९ हजार रुपये जबरदस्तीने हिसकावले. तसेच शीतल अर्दाड ह्या साईबाबा चौकाकडे जात असताना जैन मंदिराजवळ २ दुचाकीवरून पाच चोरट्यांनी शितल यांच्या गळ्यातील सोन्याचे गंठण हिसकावले..या दोन्ही घटनांची माहिती मिळाल्यावर, पोलिस निरीक्षक एम.टी. सूरवसे यांच्या मार्गदर्शनाखाली तात्काळ कारवाई सुरू करण्यात आली.पोलिसांना मिळालेल्या माहितीवरून आरोपी मोहन शेषेराव चौहान (वय-२८), व सागर प्रल्हाद पवार (वय-३२), रा. परतूर हे (ता. २६) रोजी शनिवारी दुपारच्या सुमारास परतुर तालुक्यातील दैठणा शिवारात असल्याची माहिती पोलिसांनी मिळाली आरोपीचा उसाच्या शेतातून ४ किलोमीटर पाठलाग करून दोन आरोपींना पकडण्यात आले , तर ३ आरोपी पळून पळून जाण्यात यशस्वी झाले..पकडलेल्या आरोपीना अटक करून २ मोटार सायकल मोबाईल आणि ९००० रुपये जप्त करण्यात आले असून, एकूण मुद्देमालाची किंमत १,१६,००० रुपये आहे. मात्र, अजून ३ आरोपी फरार झाले आहेत आणि त्यांचा शोध सुरू आहे.सदरील कारवाई पोलीस निरीक्षक एम.टी. सूरवसे याच्या मार्गदर्शनाखाली जमादार रामदास फुपाटे, अशोक गाढवे, पोलीस कांस्टेबल दीपक आडे, अच्युत चौहान, सतीश जाधव, गोविंद पवार, सुनील पवार, राम हाडे, परमेश्वर माने, चालक स्वप्निल फंड, वंदन पवार आणि नरेंद्र चौहान यांनी केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
