Marathwada Rain : मराठवाड्यात मॉन्सूनपूर्व पावसाचा जोर; अनेक जिल्ह्यांत रात्रीतून मुसळधार, वाचा काय आहे हवामान खात्याचा अंदाज

छत्रपती संभाजीनगर : मराठवाड्यात बुधवारी पहाटे एक वाजेपासून ते रात्री उशिरापर्यंत विविध भागांत मध्यम आणि हलक्या स्वरूपाचा पाऊस झाला. छत्रपती संभाजीनगर, जालना, लातूर जिल्ह्यात जोरदार पाऊस झाला. याशिवाय नांदेड, धाराशिव, हिंगोली जिल्ह्यांत हलक्या स्वरूपाचा पाऊस झाला. परभणीतील पाथरी तालुक्यात जोरदार पाऊस झाला. संभाजीनगर शहरात रात्री साडेदहावाजेपासून जोरदार पाऊस सुरू झाला. तो उशिरापर्यंत सुरू होता.