Parbhani News
esakal
परभणी: खासगी शाळांतील बेलगाम शुल्कवाढीने हैराण झालेल्या पालकांसाठी अखेर दिलासा देणारी हालचाल सुरू आहे. शिक्षण विभागाने आता केवळ सूचना देण्यापेक्षा थेट कारवाईच्या दिशेने पावले टाकत विभागीय शुल्क नियामक समित्या पूर्ण क्षमतेने कार्यान्वित केल्या आहेत. त्यामुळे शाळांच्या मनमानी आणि नफेखोरीविरोधात पालकांना आता थेट कायदेशीर लढा देता येणार आहे.
गेल्या काही वर्षांत ब्रँडेड आणि इंटरनॅशनल नावाचा गोंडस मुखवटा लावून अनेक खासगी शाळांनी शिक्षण क्षेत्राचे अक्षरशः बाजारीकरण केले आहे. वार्षिक फी ७० हजारांपासून थेट १ लाखांवर गेली आहे.