Maratha Reservation : मराठा आरक्षणाच्या मागणीसाठी आंदोलने; घनसावंगी शहरात कडकडीत बंद

घनसावंगी : घनसावंगी शहरात (ता.३१) मंगळवारी मराठा आरक्षणाच्या मुद्द्यावरून आंदोलन करण्यात येत आहे. यामुळे सर्व रस्ते ठप्प झाले असून, शहरातील बाजारपेठेत कडकडीत बंद आहे. शाळांना सुट्टी देण्यात आली आहे.

मराठा आरक्षणासाठी उपोषणास बसलेले मनोज जरंगे पाटील यांची तब्येत सुरू असलेल्या आमरण उपोषणामुळे खालावत असल्याने संतप्त झालेल्या काही मराठा आंदोलकांकडून घनसावंगी शहरात तसेच तालुक्यातील अनेक भागात विविध आंदोलने करण्यात येत आहे. काल (ता.३०) सोमवारी देखील भोकरदन शहरात संत रामदास महाविद्यालय चौक व सुतगिरणी परिसरात चक्काजाम आंदोलन करण्यात आले होते.

भाजप नेते सतीश घाटगे पाटील यांच्या कार्यालयावर दगडफेक करण्यात आली त्या या कार्यालयाच्या नामफलकावर असलेले पंतप्रधान नरेंद्र मोदी व उपमुख्यमंत्री देवेंद्र फडणवीस यांच्या फोटोचे नासधूस करण्यात आली. दरम्यान आमदार राजेश टोपे यांच्या कार्यालयाचे घुसण्याचा प्रयत्न करण्यात आला परंतु

या ठिकाणी वाचमेन त्यांच्या कार्यालयावरील कर्मचारी व पोलीस असल्याने त्यांना घोषणाचा प्रयत्न केला दरम्यान काही मराठा आंदोलकांनी पेट्रोल अंगावर पेट्रोल टाकून आत्महत्या करण्याचा प्रयत्न केला यावेळी आमदार राजेश टोपे यांनी आरक्षणासाठी ठोस भूमिका घेण्याची मागणी घेतली केली दरम्यान पंचायत समिती कार्यालयाच्या इमारतीला आग लावली यात बांधकाम विभागाचे साहीत्य जळून खाक झाले. राणीउचेगाव येथे चक्काजाम आंदोलन केले.

आरक्षणाचा तिढा सुटला नसल्याने याचा परिणाम सलग दुसऱ्या दिवशीही परिणाम पाहायला मिळत आहे. मुख्य जाणाऱ्या रस्त्यावर टायरे जाळून, तसेच पाईप व इतर साहित्य रस्त्यावर आडवे लावून सकाळपासूनच चक्काजाम आंदोलन करण्याचे आहे. सकापासूनच शहरातील संपूर्ण बाजारपेठ कडकडीत बंद आहे.

यावेळी आंदोलकांकडून "एक मराठा लाख मराठा" अशा जोरदार घोषणा देण्यात येत असून, राज्य सरकार व लोकप्रतिनिधींच्या विरोधात जोरदार घोषणाबाजी करण्यात आली . चक्काजाम आंदोलनामुळे नागरिकांना अनेक अडचणींचा सामना करावा लागत असून, या आंदोलनामुळे शहरातील काही शाळांनी सुट्टी देण्यात आली आहे.