Jayakwadi Water : जायकवाडीच्या पाण्यासाठी आज घेराव आंदोलन

परभणी : जायकवाडी जलाशयातून परभणी जिल्ह्यातील टेलपर्यंत पूर्ण क्षमतेने पाणी सोडण्याची मागणी घेऊन शिवसेनेचे खासदार संजय जाधव सोमवारी (ता. १७) शहरातील जायकवाडी पाटबंधारे प्रकल्पाच्या कार्यालयास शेकडो कार्यकर्त्यांसह घेराव घालून टाळे ठोकणार आहेत..जायकवाडी जलाशयातून डाव्या कालव्याद्वारे मोठ्या प्रमाणात पाणी सोडले गेले असले तरी हे पाणी परभणी जिल्ह्यातील लाभ क्षेत्रातील शेतकऱ्यांपर्यंत पोचलेले नाही. परभणीच्या वरच्या भागातील काही उपद्रवी, तलाव आणि सिंचन प्रकल्पातून पाणी खेचून घेत असल्यामुळे जायकवाडी कालव्यातून सोडलेले पाणी पाथरीच्याच पुढे सरकले आहे. यामुळे जिल्ह्यातील अनेक शेतकऱ्यांना पाणी मिळत नाही..यासंदर्भात खासदार संजय जाधव यांनी रविवारी परभणीत पत्रकार परिषदेत माहिती दिली. ते म्हणाले, मुख्य अभियंता आणि अन्य संबंधित अधिकाऱ्यांना हे मुद्दे कळवले होते. परंतु, त्याचे गांभीर्य लक्षात घेतले गेले नाही. जायकवाडी प्रकल्पाच्या स्थानिक पातळीपासून ते उच्च अधिकाऱ्यांपर्यंत आपण वारंवार पाणी पुरवठ्याबाबत बोललो. तरीही त्यावर ठोस कार्यवाही केली जात नाही..Professor Recruitment : प्राध्यापक भरतीचा मार्ग मोकळा; भरतीच्या जाहिरात मंजुरीसाठी आज व्यवस्थापन परिषदेची बैठक .त्यामुळे, सोमवारी जायकवाडी प्रकल्प कार्यालयास हजारो कार्यकर्ते आणि शेतकरी घेराव घालून टाळे ठोकतील आणि अभियंत्यांना या ज्वलंत प्रश्नांची जाणीव करून देतील. यावेळी शिवसेनेचे नेते गंगाप्रसाद आणेराव, सभापती पंढरीनाथ घुले उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.