Beed Protest : पालकमंत्र्यांचे मुखवटे घालून रस्त्यासाठी आंदोलन

बीड : शहरातील विविध भागातील रस्त्यांची प्रचंड दुरवस्था झालेली असून ठिकठिकाणी पडलेले जीवघेणे खड्डे, वाळुमिश्रित खडीचा उडणारा धुराळा यामुळे बीडकर त्रस्त झाले आहेत. विविध भागतील रस्त्यांची स्थिती ‘सकाळ’ने मांडली..यासह शहरातील ११० कोटी रुपयांच्या ४० फुट रूंदीच्या १७ मुख्य रस्त्यांच्या मंजुरीसाठीचा प्रस्ताव प्रलंबित आहेत. त्यास तातडीने मंजुरी देऊन निधी उपलब्ध करून देत रस्ते दर्जेदार करावेत, या मागणीसाठी सामाजिक कार्यकर्त्यांकडून सोमवारी (ता. २४) पालकमंत्र्यांचा मुखवटा घालून लक्षवेधी आंदोलन करण्यात आले..शहरात विविध भागांत चाळणी झालेल्या रस्त्यावरून वाहनधारकांना कसरत करावी लागत आहे. पालिकेने एक वर्षापूर्वी बीड शहरातील ११० कोटी रूपयांच्या ४० फुट रूंदीच्या १७ मुख्य रस्त्यांच्या मंजुरीसाठी महाराष्ट्र सुवर्ण जयंती नगरोत्थान महाअभियान अंतर्गत राज्याच्या नगरविकास विभागाकडे पाठवलेला प्रस्ताव लालफीतीत अडकला आहे..शहरात वर्दळीचा असलेला छत्रपती शिवाजी महाराज चौक ते बशीरगंज ते कारंजा टॉवर या रस्त्यावर ठिकठिकाणी खड्डे पडले असून वाळु मिश्रित खडीचा धुरळा उडत आहे. त्यामुळे वाहनांचे अपघात होत आहेत..Ancient Grains : सातवाहन काळातील धान्य पाहायचंय? तेरला चला!.तातडीने प्रस्ताव मंजूर करून रस्त्यांसाठी निधी देण्यात यावा. तसेच धुळे ते सोलापूर रस्त्यावरील खड्डे कायमस्वरूपी बुजवुन रखडलेले दुभाजकांचे काम पूर्ण करून साईडपंखे भरण्यात यावेत. बीड ते अहिल्यानगर मार्गाचे काम जलदगतीने पूर्ण करावे, या मागण्यांसाठी पालकमंत्री अजित पवार यांचा मुखवटा घालून लक्षवेधी आंदोलन करण्यात आले. यावेळी डॉ.गणेश ढवळे , शेख युनुस, रामनाथ खोड,सुदाम तांदळे, मुबीन शेख,, शेख मुस्ताक, रामधन जमाले यांच्यासह नागरिक सहभागी होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.