Teen Kabaddi Player Dies in Tractor Bike Collision
esakal
राजूर (भोकरदन) : राजूर-छत्रपती संभाजीनगर रस्त्यावरील राजूरपासून अवघ्या ४ किलोमीटर अंतरावर असलेल्या चनेगाव येथील एका तरूणाचा ट्रॅक्टर आणि मोटरसायकलच्या भीषण अपघातात जागीच मृत्यू झाला. अभिषेक संजय तायडे (वय १५ ) असे या मृत तरूणाचे नाव आहे. तो घरातील एकुलता मुलगा होता. त्याला दोन मोठ्या विवाहित बहिणी आहेत.
मिळालेल्या माहितीनुसार, अभिषेक बुधवारी सायंकाळी राजूर येथून वाढदिवसाचा केक घेऊन Hero Deluxe (क्र. MH 21 BE 3165) मोटरसायकलने गावाकडे जात होता. त्याचे गाव अवघ्या १ किलोमीटरवर राहिले असताना, संध्याकाळी ६:३० ते ७:०० च्या सुमारास समोरून येणाऱ्या अद्रकने भरलेल्या ट्रॅक्टरशी त्याची समोरासमोर जोरदार धडक झाली.
