किल्ले धारूर : रुई धारूर येथे जलजीवन योजनेअंतर्गत तीन कोटी पन्नास लाख रुपयांची पाणी योजना मंजूर आहे. मात्र, गुत्तेदाराच्या हलगर्जीपणामुळे काम पूर्णत्वास गेले नाही. परिणामी स्थानिक नागरिकांना पाण्यासाठी भटकंती करावी लागत आहे..याबाबत अनेकदा संबंधित गुत्तेदरांची तक्रार केली. मात्र, जैसे थे परिस्थिती आहे. त्यामुळे बुधवारी (ता. दोन) बीड येथे जिल्हाधिकारी कार्यालयावर रुई येथील नागरिकांच्या वतीने घागर मोर्चा काढण्यात येणार आहे..जिल्ह्यात मोठ्या प्रमाणत जलजीवनची कामे झाली आहेत. मात्र, कोट्यवधी रुपये खर्च करूनही बहुतांश कामे अर्धवटच आहेत. धारूर तालुक्यातील रुई धारूर येथील जलजीवन मिशन योजनेअंतर्गत तीन कोटी ४८ लाख ९६ हजार रुपयांच्या पाणी योजनेला वर्षे २०२३ मध्ये संबंधित एजन्सीला कार्यारंभ आदेश दिले होते. .मात्र, दोन वर्षे उलटूनही काम पूर्ण न झाल्याने सध्या भीषण पाणीटंचाई निर्माण झाली आहे. विहिरींना तळ गाठला आहे. एका घागरीसाठी महिलांना वणवण फिरावे लागते आहे. तत्काळ पाणी योजना सुरू करण्यात यावी, याबाबत संबंधित एजन्सीला कार्यकारी अभियंत्यांनी अंतिम नोटीस दिलेली आहे. परंतु, अद्यापही काम सुरू केलेले नाही; तसेच याप्रकरणी जि.प. चे मुख्य कार्यकारी अधिकाऱ्यांकडे तक्रारदेखील दिली..मात्र, या तक्रार अर्जाचा कसलाही विचार करण्यात आलेला नाही. या दृष्टीने गावकऱ्यांनी जिल्हाधिकाऱ्यांना निवेदन दिले, रुई धारूर येथील जलजीवन मिशन योजनेअंतर्गतचे मंजूर काम तत्काळ सुरू करण्याबाबत संबंधित यंत्रणेला आदेशित करावे, अन्यथा दोन एप्रिल २०२५ रोजी जिल्हाधिकारी कार्यालयात महिलांना सोबत घेऊन घागर मोर्चा काढण्यात येणार आहे..Beed News : ऊसतोड मजुराचा अंगावर पेट्रोल ओतून जीव देण्याचा प्रयत्न.गावाच्या दृष्टीने पाणी योजना जिव्हाळ्याची आहे. संबंधित एजन्सीने ही जलवाहिनी पूर्णत्वास आणली. मात्र, काही तांत्रिक शुल्लक कारणांमुळे पाणी सुरू केलेले नाही. याबाबत स्थानिक पातळीवर बऱ्याच वेळेस निवेदन दिले; मात्र कार्यवाही झाली नाही. त्यामुळे बुधवारी (ता. दोन) महिलांना सोबत घेऊन जिल्हाधिकारी कार्यालयावर घागर मोर्चा काढणार आहोत.- सुनीता राठोड, सरपंच, रुई धारूर.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
