Royal Shetkari : 'भूमिपुत्र'वीर रॉयल शेतकरी गणेश फरताडे

बीड : बीड जिल्ह्यातील गेवराई तालुक्यातील रॉयल शेतकरी म्हणून ओळख असलेल्या गणेश फरताडेला भूमिपुत्र भूषण या पुरस्काराने गौरविण्यात येणार आहे. बीड येथील छत्रपती मल्टीस्टेटच्या आठव्या वर्धापनदिनानिमित्ताने छत्रपती उद्योग समुहामार्फत छत्रपती फेस्टिवलचे आयोजन करण्यात आले आहे. त्यामध्ये राहुल गिरी यांना गेवराई भूषण तर रॉयल शेतकरी गणेश फरताडे यांना भूमिपुत्र भूषण या पुरस्काराने गौरविण्यात येणार आहे. १७ डिसेंबर रोजी या कार्यक्रमाचे आयोजन गेवराई येथे करण्यात आले आहे.

(Royal Shetkari Ganesh Fartade)

दरम्यान, शेतकऱ्यांचे प्रश्न सोशल मीडियावरून जगासमोर मांडणारा शेतकरी म्हणून गणेश फरताडे याची ओळख आहे. त्याला इंस्टाग्रामवर दोन लाखांपेक्षा जास्त फॉलोवर्स असून शेतकऱ्यांच्या वेगवेगळ्या प्रश्नावर सोशल मीडियावर तो कायम बोलत असतो. त्यामुळे त्याची मराठवाडा आणि संबंध महाराष्ट्रात रॉयल शेतकरी म्हणून ओळख आहे.

गणेश कसा झाला फेमस?

सोशल मीडिया हे लोकांपर्यंत पोहोचण्याचं चांगलं माध्यम आहे त्यामुळे आपण शेतकऱ्यांचे प्रश्न लोकांपर्यंत पोहोचवले पाहिजेत या दृष्टिकोनातून त्याने टिकटॉकवर अकाऊंट काढलं आणि रील्स बनवायला सुरूवात केली होती. त्याच्या कंटेंटला सोशल मीडियावर चांगलीच पसंती मिळत गेली आणि तो काही दिवसांतच फेमस झाला. लॉकडाऊन मध्ये टिकटॉक बंद झाल्यानंतर त्याने इंस्टाग्राम आणि फेसबुकवर पोस्ट करायला सुरूवात केली. दिवसेंदिवस गणेशची पसंती वाढतंच आहे. छत्रपती उद्योग समुहाने गणेश फरताडे याला भूमिपुत्र भूषण पुरस्कार देऊन सन्मान केला आहे.