तुळजापूर - तुळजाभवानी मातेवरील अपार श्रद्धेपोटी भाविकांकडून वेगवेगळ्या स्वरूपातील दान अर्पण केले जाते. त्यात सोने-चांदीच्या लहान-मोठ्या वस्तू, रोख रक्कम आदींचा समावेश असतो.
मंदिरात वेगवेगळ्या ठिकाणी असलेल्या दानपेट्या, गुप्त दानपेटीतही भाविक दान करतात. त्यातून गेल्या आर्थिक वर्षात तुळजाभवानी माता मंदिराला सुमारे ६५ ते ७० कोटी रुपयांचे उत्पन्न मिळाले आहे.
भाविकांनी एक एप्रिल २०२४ ते ३१ मार्च २०२५ या आर्थिक वर्षामध्ये केलेल्या या दानात ४८ कोटी ३२ लाख दोन हजार ९७६ रुपये रोख रकमेचा समावेश आहे. त्याशिवाय १७ किलो ६२० ग्रॅम सोने, २५६ किलो चांदीचा समावेश आहे. अभिषेक पूजा, सिंहासन पूजेमधूनही मंदिर समितीला उत्पन्न मिळते.
दर्शनासाठी दोनशे, पाचशे रुपयांच्या सशुल्क पासचीही व्यवस्था आहे. त्यालाही भाविकांचा मोठा प्रतिसाद मिळतो. अशा प्रकारे गेल्या आर्थिक वर्षात मंदिराला सुमारे ६५ते ७० कोटींचे उत्पन्न मिळाल्याचे सांगण्यात आले. दरम्यान, याशिवाय तुळजाभवानी मंदिरात तीन वर्षांसाठी विविध प्रकारचे लिलाव असतात. त्यातून मंदिर समितीला वेगळे उत्पन्न मिळते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.