Sant Eknath Maharaj Paduka Palkhi Returns to Paithan After Pandharpur Wari Devotees Celebrate With Grand Welcome
esakal
-चंद्रकांत तारु
पैठण: आषाढी एकादशीनिमित्त पंढरपूर येथे विठ्ठलाच्या दर्शनासाठी गेलेल्या पैठणच्या संत एकनाथ महाराजांच्या पालखी-पादुका सोहळ्याचे रविवारी (ता. ९) १२ दिवसांनंतर स्वगृही आगमन झाले. पालखी वेशीवर येताच ‘नाथ महाराज की जय’च्या जयघोषाने परिसर दुमदुमून गेला. टाळ-मृदंगाचा निनाद, विविध वाद्यांचा गजर, रांगोळीच्या पायघड्या आणि फटाक्यांची आतषबाजी करीत पैठणकरांनी नाथांच्या पादुका सोहळ्याचे भक्तिभावाने स्वागत केले.नाथांच्या पादुकांच्या दर्शनासाठी भाविकांनी मोठी गर्दी केली होती.
