Dharashiv News: बियाणे संवर्धन प्रकल्पातील पिके बहरली; हरभऱ्याच्या तब्बल ६१, तर ज्वारीच्या १६ जातींची प्रात्यक्षिक लागवड; शेतकरी घेताहेत माहिती

तेर: बीएएसएफच्या अर्थसाहाय्याने आणि यूएनजीसी बायफच्या संयुक्त अंमलबजावणीतून राबविण्यात येणाऱ्या गावरान बियाणे संवर्धन व बियाणे बँक प्रकल्पांतर्गत धाराशिव तालुक्यातील मुळेवाडी येथे स्थानिक बीजवैविध्य पुनरुज्जीवनाचा महत्त्वपूर्ण उपक्रम राबविण्यात आला आहे. या प्रकल्पामुळे परिसरात पारंपरिक वाणांबाबत नव्याने जागरूकता निर्माण होत असून, शेतकऱ्यांचा उत्स्फूर्त प्रतिसाद मिळत आहे.