जिल्ह्यातील वरिष्ठ महाविद्यालये सोमवारपासून सुरु 

परभणी ः जिल्ह्यातील ८० पेक्षा अधिक वरिष्ठ महाविद्यालये सोमवार (ता.१५) पासून सुरू होणार आहेत. 

प्रशासनाची मिळाली परवानगी 
कोरोनामुळे जिल्ह्यातील शाळा, महाविद्यालये मार्च महिण्यापासून बंद करण्यात आली होती. राज्यातील कोरोनाचा संसर्ग कमी होऊ लागताच शासनाने शाळांमध्ये नववी ते बारावी व नंतर पाचवी ते आठवीचे वर्ग सुरु केल्यानंतर महिना-दिड महिना झाल्यानंतर तारीख १५ फेब्रुवारीपासून वरिष्ठ महाविद्यालय सुरू करण्यास परवानगी दिली. 

रविवारी सायंकाळी दिले आदेश 
जिल्हाधिकारी दीपक मुगळीकर यांनी देखील या अनुषंगाने रविवारी सायंकाळी वरिष्ठ महाविद्यालय सुरू करण्यास हिरवी झेंडी दाखवली आहे. प्राध्यापक कर्मचाऱ्यांच्या तसेच आरटीपीसीआर टेस्ट व महाविद्यालय व वस्तीगृहात विद्यार्थ्यांना आरटीपीसीआर टेस्टनंतरच प्रवेश द्यावा, कोरोना सुरक्षा नियमांचे काटेकोरपणे पालन करावे अशा सूचना श्री. मुगळीकर यांनी दिल्या आहेत. 

हेही वाचा - आरोप-प्रत्यारोप सुरू झाला आहे.

जिल्ह्यात ८० महाविद्यालये सुरु होणार 
जिल्ह्यात पदवी व पदुव्युत्तर व विविध अभ्यासक्रमांची जवळपास ८० महाविद्यालये आहेत. वसंतराव नाईक मराठवाडा कृषी विद्यापीठ, स्वामी रामानंद तीर्थ मराठवाडा विद्यापीठ यासह अन्य काही विद्यापीठ अंतर्गत महाविद्यालयांचा यामध्ये समावेश आहे. युजीसीने या प्रकरणी महाविद्यालये सुरु करण्याच्या सूचना दिल्या आहेत. 

हेही वाचा - पूजा चव्हाण आत्महत्येप्रकरणी पहिल्यांदाच तिच्या वडिलांनी प्रतिक्रिया दिली आहे.

मास्क लावणे देखील बंधनकारक
शासनाच्या कोरोना विषयक निर्देशानुसार वर्ग खोल्यांचे निर्जंतुकीकरण करण्यात आले आहे. सर्व शिक्षक, कर्मचाऱ्यांच्या आररटीपीसआर चाचण्या देखील झाल्या आहेत. विद्यार्थ्यांना सॅनिटायझेशनची सुविधा आहे. तसेच मास्क लावणे देखील बंधनकारक असून तशा सूचना देण्यात आल्या आहेत. 
- बाळासाहेब जाधव, प्राचार्य, शिवाजी महाविद्यालय, परभणी.  

संपादन ः राजन मंगरुळकर