Bhokardan News : प्रसूतीसाठी आलेल्या गर्भवतीच्या पोटाला लावले हायपोक्लोराईट; भोकरदन ग्रामीण रुग्णालयातील धक्कादायक प्रकार

भोकरदन जि. जालना - प्रसूतीसाठी आलेल्या गर्भवतीला नर्सकडून पोटाला हायपोक्लोराईट लावल्याचा धक्कादायक प्रकार भोकरदन ग्रामीण रुग्णालयात शुक्रवारी सकाळी घडला..तालुक्यातील खापरखेडा येथील गर्भवती शिला संदीप भालेराव यांना शुक्रवारी सकाळी सात वाजे दरम्यान प्रसूतीसाठी भोकरदन ग्रामीण रुग्णालयात नातेवाईकांकडून आणण्यात आले होते. गर्भातील बाळाच्या हृदयाचे ठोके तपासणी करताना महिलेच्या पोटाला जेली ऐवजी परिचारिकेकडून तीव्र हायपोक्लोराईट लावण्यात आल्याने गर्भवतीच्या पोट भाजल्याने जखम झाल्याची घटना घडली..तरीसुद्धा एक तासानंतर सकाळी आठ वाजता या महिलेने गोंडस बाळाला जन्म दिला आहे. बाळ सुखरूप आहे. मात्र महिलेच्या पोटासह गर्भाशयाचे ठिकाण भाजल्याने महिलेवर उपचार सुरु आहेत..सुदैवाने महिलेचा जीव धोक्याबाहेर आहे व बाळाला देखील कुठलीही इजा झाली नसल्यामुळे नातेवाईकांनी सुटकेचा निश्वास सोडला. मात्र, रुग्णालयात अशा प्रकारची गंभीर स्वरूपाची चूक कर्मचाऱ्यांच्या हलगर्जीपणा व ग्रामीण रुग्णालयाचा भोंगळ कारभार दर्शवीत आहे.ग्रामीण रुग्णालयातील कर्मचाऱ्याने प्रसूतीगृहात औषधाच्या ट्रेमध्ये जेली सोल्युशनऐवजी प्रसूती ग्रहाच्या स्वच्छतेसाठी आणलेले तीव्र स्वरूपाचे हायपोक्लोराईट ठेवल्याने चुकून नर्सकडून ते लागले असल्याची माहिती रुग्णालयाच्या प्रशासनकडून नातेवाईकांना देण्यात आली..प्रतिक्रियाघडलेल्या गंभीर प्रकाराचे ग्रामीण रुग्णालयातील प्रशासनाला चौकशी करून अहवाल सादर करण्याचे आदेश देण्यात आले आहे. चौकशीचा अहवाल प्राप्त झाल्यानंतर संबंधितांवर कारवाई करण्यात येईल.- राजेंद्र पाटील, जिल्हा शल्य चिकित्सक जालना.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.