मानवत - जुन्या भांडणाच्या कारणावरून डोक्यात कुदळ मारून ४४ वर्षीय वाहन चालकाचा खुन करण्यात आला. ही घटना शनिवारी (ता. २६) दुपारी एक वाजण्याच्या सुमारास शहरातील बायपास मार्गावरील झरी नाका येथील एका हॉटेलमध्ये घडली. .ज्ञानेश्वर वैजनाथ पवार (रा. कोक्कर कॉलनी, मानवत) असे मयताचे नाव आहे. ज्ञानेश्वर पवार हे वाहन चालक असुन मोंढा परिसरात आपले वाहन भाड्याने चालवतात. शनिवारी ते घरापासून जवळच असणाऱ्या झरी नाका येथील एका हॉटेल मध्ये चहा घेत होते..यावेळी आरोपी मारोती चव्हाण त्या ठिकाणी हातात कुदळ घेऊन आला व पवार यांच्या सोबत जुन्या भांडणावरून वाद घालण्यास सुरवात केली. तसेच पवार यांना दारू पिण्यासाठी पैशाची मागणी करू लागला..पवार यांनी पैसे देण्यास नकार दिल्यानंतर चव्हाण याने कुदळीने त्यांच्या डोक्यात वार केला.यात गंभीर जखमी झालेल्या पवार यांना ग्रामीण रुग्णालयात दाखल केले असता वैद्यकीय अधिकाऱ्यांनी मयत घोषित केले..आरोपी चव्हाण हा घटनास्थळावरून फरार झाला असुन त्याच्या शोधासाठी सहा पथके रवाना करण्यात आले आहेत. या प्रकरणी अभिषेक पवार यांच्या फिर्यादीवरून मानवत पोलिस स्टेशनला गुन्हा दाखल करण्यात आला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
