नेकनूर (जि. बीड) - येथील आठवडे बाजारात दुकान थाटत असतानाच चोरट्याने एका व्यापाऱ्याची पंधरा किलो चांदीचे दागिने असलेली बॅग लंपास केली. रविवारी (ता. ११) सकाळी अकराच्या सुमारास हा प्रकार घडला..नेकनूरचा आठवडे बाजार मराठवाडयात प्रसिद्ध आहे. विविध वस्तूंचे विक्रेते दाखल होतात. परिसरातील गावांतील ग्राहक मोठ्या प्रमाणावर येत असल्याने आठवड्याला भरणारी एक प्रकारे यात्राच असते. इतर दुकानांसोबत सोन्या-चांदीच्या दागिन्यांची दुकानेही पालामध्ये थाटली जातात..सोने-चांदीचे व्यापारी बबन पांडुरंग कानडे हे बाजारातील पालात सकाळी अकराच्या सुमारास दुकान मांडत असताना चोरट्याने सुमारे पंधरा किलो चांदीचे दागिने असलेली बॅग लंपास केली. या बॅगमध्ये ५० हजार रुपयांची रोकडही होती, असे कानडे यांचे म्हणणे आहे. घटनास्थळी बघ्यांची गर्दी झाली होती..या आठवडे बाजारात चोरीच्या किरकोळ घटना सातत्याने होत असतात. पण, संक्रांतीच्या पूर्वसंध्येला भरलेल्या आजच्या बाजारात चोरट्याने मोठा डल्ला मारला. नेमकी चांदी किती होती, किंमत किती आदींचा तपास करण्यासाठी पोलिस संशयितांचा शोध घेत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
