धनंजय शेटे
भूम : तालुक्यातील साडेसांगवी शिवारात अवैध वाळू उपसा करणाऱ्यांवर कारवाई करण्यासाठी गेलेल्या महसूल विभागाच्या पथकावर दगडफेक करून शासकीय कामात अडथळा आणल्याची घटना घडली आहे. याप्रकरणी भुमचे नायब तहसीलदार यांनी दिलेल्या फिर्यादीवरून जेसीबी चालक, टिप्पर चालक यांच्यासह सुमारे दहा अज्ञात व्यक्तींविरुद्ध भुम पोलीस ठाण्यात गुन्हा दाखल करण्यात आला आहे.