बीड - पदवीची पहिल्या सत्राची परीक्षा देत असताना २४ वर्षीय विद्यार्थ्याचा मृत्यू झाल्याची घटना शहरात घडली. सिद्धार्थ राजाभाऊ मासाळ (रा. डुक्करवाडी, ता. भूम, जि. धाराशिव) असे या विद्यार्थ्याचे नाव आहे. .अलिकडे तरुणांमधील ऱ्हदयविकाराच्या धक्क्याचे प्रमाण वाढले आहे. महिनाभरात बाळासाहेब शिंदे, महेश चौधरी तसेच अमर जाधव आदी चाळीशीतील व्यक्तींचे हृदयविकाराने निधनाच्या घटना घडल्या आहेत. तणाव, बदलती जिवनशैली, अनुवंशीकता हे तरुणांमधील हृदयविकाराची कारणे आहेत..वृद्धांपेक्षा तरुणांमध्ये हृदयविकार झाल्यानंतर जागेवर मृत्यूचे प्रमाण अधिक आहे. वृद्धांमध्ये नसांमध्ये रक्ताची गाठ तयार होण्यास वेळ लागतो. तर तरुणामध्ये वेगाने ही गाठ तयार होऊन जागेवर मृत्यू होतो, असे येथील हृदयविकार तज्ज्ञ डॉ. मोहम्मद सिद्दीकी अहमद यांनी सांगीतले..दरम्यान, डुक्करवाडी (ता. भूम) येथील सिद्धार्थ मासाळ याचे कुटूंबिय कामासाठी बीडमध्ये स्थाईक आहे. तो विज्ञान पदवीचे शिक्षण घेत असून स्पर्धा परीक्षेच्या तयारीसाठी दिल्लीला राहत असे. प्रथम सत्राच्या परीक्षेसाठी तो शहरात आला होता..आज सिद्धार्थ मासाळ केएसके महाविद्यालयातील परीक्षा केंद्रावर परीक्षा देत असतानाच त्याला हृदयविकाराचा धक्का बसला. काहीच वेळात त्याचा मृत्यू झाला. जिल्हा रुग्णालयात त्याची उत्तरीय तपासणी करण्यात आली. यावेळी त्याच्या हृदययाला रक्तपुरवठा करणाऱ्या नसांमध्ये गाठी तयार झाल्याने त्याला हृदयविकाराचा धक्का बसल्याचे समोर आले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
