परळी वैजनाथ - तालुक्यातील कौडगाव हुडा येथे रविवारी (ता. १७) मध्यरात्री एक चारचाकी गाडी पुलावरुन पुलाचे पाणी वाहत असताना पाण्याचा अंदाज न आल्याने वाहून गेली. यामध्ये बसलेले चार जण वाहून गेले..यातील तिघांना वाचवण्यात यश आले असून एकाचा मृत्यू झाला आहे. यामध्ये आंबेजोगाईचे सहाय्यक पोलीस अधिक्षक ऋषीकेश शिंदे यांनी एक युवक झाडाला अडकलेला पाहताच स्वतः पाण्यात उडी मारुन युवकास वाचवले..पोलीस अधिकारी वेळप्रसंगी माणसाचा जीव वाचवण्यासाठी स्वतःच्या जीवाचीही पर्वा करत नाहीं, याचे जिवंत उदाहरण तालुक्यातील कौडगाव हुडा येथील दुर्घटनेत पाहायला मिळाले.रविवारी मध्यरात्री कौडगाव हुडा गावाजवळ मुसळधार पावसामुळे वाहून 'गेलेल्या कारमधील तरुणांचा जीव वाचवण्यासाठी अंबाजोगाईचे सहाय्यक पोलीस अधीक्षक ऋषिकेश शिंदे व सिरसाळा येथील सहाय्यक पोलीस निरीक्षक गोरक्षनाथ दहिफळे यांनी थेट पुराच्चा पाण्यात उडी घेतली..पुराच्या पाण्याचा प्रचंड वेग, अंधाराचे साम्राज्य असताना या सर्व परिस्थितीत स्वतःच्या जीवाची पर्वा न करता शिंदे यांनी पुरात उडी मारून 'तरुणाचे प्राण वाचविले. या धाडसी कृतीचे सर्वत्र कौतुक होत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
