पाटोदा : मसाजोगचे सरपंच संतोष देशमुख यांच्या हत्येला एक महिना पूर्ण झाल्याच्या दिवशी पाटोदा शहरात पाटोदा पोलिस ठाण्यात बुधवारी निवेदन देण्याच्या निमित्ताने आमदार सुरेश धस, मराठा आरक्षण आंदोलनकर्ते मनोज जरांगे यांचे समर्थक, तर त्यांच्या सोबतच दुसऱ्या बाजूने मंत्री धनंजय मुंडे व पंकजा मुंडे यांचे समर्थक एकाच वेळी पोलिस ठाण्यात जमले. यावेळी दोन्ही बाजूंच्या समर्थकांकडून घोषणाबाजी करण्यात आली.