फुलंब्री - फुलंब्री विधानसभा मतदारसंघात तत्कालीन आमदार हरिभाऊ बागडे यांच्या आमदार निधीतून कोट्यावधीची रस्त्याची दुरुस्तीची कामे मंजूर करण्यात आली होती. त्याचे कार्यारंभ आदेश देखील सार्वजनिक बांधकाम विभागाने दिले होते..मात्र पाच महिन्याचा कालावधी उलटूनही संबंधित गुत्तेदारांनी कामे सुरू न केल्याने त्यांच्याकडून कामे काढून घेऊन त्यांच्यावर कायदेशीर कारवाई करावी, अशी मागणी आमदार अनुराधा चव्हाण यांनी हिवाळी अधिवेशनात गुरुवारी (ता. १९) रोजी केली आहे..फुलंब्री विधानसभा मतदारसंघात नव्याने अनुराधा चव्हाण या आमदार म्हणून निवडून आल्या. त्यानंतर लगेच नागपूर येथे हिवाळी अधिवेशन असल्याने त्यांनी मतदारसंघाची माहिती जाणून घेतली. फुलंब्री विधानसभा मतदारसंघात तात्कालीन आमदार हरिभाऊ बागडे यांच्या स्थानिक निधीतून रस्त्याचे कामे मंजुर करण्यात आलेली आहे..मात्र संबंधित कामे अजूनही करण्यात आलेले नाही. त्यामुळे हिवाळी अधिवेशनातच आमदार अनुराधा चव्हाण यांनी ग्रामीण भागातील जिव्हाळ्याचा विषय असणाऱ्या रस्त्याला प्राधान्य दिले. हिवाळी अधिवेशनात बोलताना आमदार अनुराधा चव्हाण म्हणाल्या की, फुलंब्री विधानसभा मतदारसंघातील करमाड, लाडसावंगी, चौका, पिसादेवी, अंजनडोह, पळशी, फुलंब्री-बाबरा-नाचनवेल या रस्त्याची दुरुस्तीची कामे मंजूर असून सार्वजनिक बांधकाम विभागाने कार्यारंभ आदेश देखील दिलेले आहे..मात्र, सार्वजनिक बांधकाम विभागाने कार्यारंभ आदेश देऊनही पाच महिन्याचा कालावधी उलटला तरी देखील अजूनही काम सुरू करण्यात आले नाही. त्यामुळे निविदा करारनामाच्या तरतुदीनुसार ३० दिवसांमध्ये काम सुरू न केल्यास अशा गुत्तेदाराकडून संबंधित कामे काढून घ्यावे. आणि त्यांच्यावर कायदेशीर कारवाई करावी अशी मागणी आमदार अनुराधा चव्हाण नागपूर येथील हिवाळी अधिवेशनात केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
