बस चालकाला भोवळ आल्याने झाला अपघात | Sakal
sakal

बोलून बातमी शोधा

Bus Accident

चालत्या बसमध्ये चालकाला भोवळ आल्याने झाला अपघात

जिंतूर - बस चालकांस भोवळ आल्याने झालेल्या अपघातात दहा वाहनाचा चुराडा होऊन तीन जण जखमी झाल्याची घटना शहरातील अण्णाभाऊ साठे चौकात ता. १५ रोजी सकाळी अकरा वाजताच्या सुमारास घडली. याबाबत वृत्त असे की, औरंगाबाद कळमनुरी (एम. एच. १३ सी.यु. ७५४३) ही बस सकाळी ११ वाजताच्या सुमारास कळमनुरीला जाण्यासाठी बस स्थानकातून निघाली. बस शहरातील अण्णाभाऊ साठे चौकात आल्यानंतर निळकंठ हॉटेल समोर बस चालकास अचानक भोवळ आली. त्यामुळे चालकाचे गाडीवरील नियंत्रण सुटले. नीलकंठ हॉटेल समोर उभ्या असलेल्या वाहनांवर जाऊन ही बस धडकली.

या अपघातात ७ मोटरसायकल, २ कार व एका सायकलवर जाऊन धडकल्याने या वाहनांचे मोठे नुकसान झाले. बसचा वेग कमी असला तरी चालकाला भोळ आल्यामुळे गाडी बसवरील नियंत्रण सुटले. व हॉटेल समोर असलेल्या एका गुलमोहोराच्या झाडावर जाऊन धडकल्याने बस थांबली. या अपघातात श्रुती गजानन तारे, तुळशीराम चंपक तारे, सुजाता श्रीकांत बोकसे हे बसमधील प्रवासी जखमी झाले. अपघातानंतर बस चालक दादाराव संभाजी धनवे व गाडीतील जखमींना जिंतूर येथील ग्रामीण रुग्णालयात उपचारासाठी दाखल करण्यात आले. या अपघातात कोणतीही सुदैवाने जीवित हानी झाली नाही.

Web Title: The Bus Driver Got Dizzy And The Accident Happened

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..