'या' पदवीधर मतदारसंघात तीन लाख नवे मतदार 

Marathwada Aurangabad News
Marathwada Aurangabad News
Updated on: 

औरंगाबाद : मराठवाडा पदवीधर मतदारसंघासाठी एप्रिल 2020 मध्ये निवडणुका होण्याची शक्‍यता आहे. या मतदासंघासाठी पदवीधराची नोंदणी सुरू आहे. यात गुरुवारपर्यंत (ता.सात) मराठवाड्यातून तीन लाख 20 हजार 772 अर्ज नोंदणीसाठी आले आहेत. या नोंदणीसाठी राष्ट्रवादी, भाजप यांच्याकडून स्वतंत्रपणे कॅंप लावून नोंदणी करण्यात आली आहे. यांची छाननी सुरू असल्याचे प्रशासनातर्फे कळविण्यात आले आहे. 

औरंगाबाद जिल्हा आघाडीवर

मतदार नोंदणीत औरंगाबाद जिल्हा आघाडीवर आहे. जिल्ह्यात 96 हजार 829 जणांनी नोंदणी केली आहे. या नोंदणीसाठी राष्ट्रवादी कॉंग्रेसचे विद्यमान आमदार सतीश चव्हाण यांच्या माध्यमातून सर्वत्र कॅंप लावून नोंदणी करण्यात आली. त्याचबरोबर भाजपतर्फे इच्छुक असलेल्यांनी वेगवेगळ्या ठिकाणी कॅंप लावून नोंदणी केली. यासह प्रशासनातर्फे नोंदणी प्रक्रिया राबविण्यात आली होती. भाजपतर्फे प्रदेश प्रवक्‍ते शिरीष बोराळकर, डॉ. बाबासाहेब आंबेडकर मराठवाडा विद्यापीठाचे व्यवस्थापन परिषदचे सदस्य किशोर शितोळे, राज्य बाल हक्‍क आयोगाचे अध्यक्ष प्रवीण घुगे हे इच्छुक आहेत. 

छाननीत सर्वच अर्ज राहतील असा विश्‍वास

पदवीधर मतदारांच्या नोंदणीसाठी निवडणूक आयोगाने एक ऑक्‍टोबर ते सहा नोव्हेंबरदरम्यान कालावधी देण्यात आला होता. दरम्यान, अनेकांनी दिवाळी व विधानसभा निवडणुकीसाठी 15 दिवस नोंदणीसाठी मुदत मागितली होती. मात्र, ती मिळाली नाही. सर्वाधिक नोंदणी ही औरंगाबाद जिल्ह्यातून झाली, तर सर्वांत कमी नोंदणी हिंगोली जिल्ह्यातून झाली आहे. हिंगोली जिल्ह्यात 14 हजार 703 जणांनी अर्ज केले आहे. मराठवाड्यातील 46 विधानसभा मतदारसंघ आणि 76 तालुके येतात. राजकीय पक्षाने सर्व बारकाईने उमेदवारांचे नोंदणी अर्ज भरल्यामुळे छाननीत सर्वच अर्ज राहतील असा विश्‍वासही राजकीय पक्षांनी व्यक्‍त केला आहे. 

जिल्हानिहाय नोंदणीसाठी आलेले अर्ज 

औरंगाबाद - 93,289 
जालना - 23,611 
परभणी - 27,121 
हिंगोली - 14,703 
नांदेड - 40,321 
बीड - 58,721 
उस्मानाबाद - 28,560 
लातूर - 33,906 
एकूण - 3,20,772 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Sonia Mokase overcame family and financial challenges to become a police sub inspector
Jewellery Businessman Threatened With Pellet Gun After Parking Dispute in Sonar Galli Police Take Action
Latur District Bank Result
Mysterious Death of Monk in Math After Kirtan Missing Mobile Phone Adds Twist to Police Investigation