गेवराई - बीडमधील गेवराईतील तपेनिमगाव शिवारात गोदावरी नदीच्या पात्रातून अवैध वाळू उपसा करुन वाहतूक करणारे ट्रॅक्टर तलवाडा पोलिसांनी पकडले आहे, ट्रॅक्टरसह चालकाला पोलीसांनी ताब्यात घेतले असून, सहा लाख रुपयांचा मुद्देमाल जप्त केला..तलवाडा पोलीसांना तपेनिमगाव शिवारात गोदावरी नदीच्या पात्रात अवैध वाळू उपसा होत असल्याची माहीती मिळाल्याने एपीआय मनोज निलंगेकर, फौजदार स्वप्नील कोळी, फौजदार कैलास अन्नदास, गोपनीय शाखेचे विठ्ठल राठोड यांच्यासह पोलीस पथक तपेनिमगावात गोदावरी पात्रात सोमवारी दूपारी चार वाजेच्या सुमारास गेले..यावेळेस नदीच्या पात्रातुन वाळूचा अवैधरित्या उपसा करून एक ट्रॅक्टर भरत असल्याचे दिसून आले. पोलिस आल्याची कुणकुण लागतात ट्रॅक्टर चालक यांनी पळ काढण्याचा प्रयत्न केला असता पोलीसांनी पाठलाग करुन त्यास पकडले..यावेळी ट्रॅक्टर व वाळूने भरलेल्या ट्रॉलीसह सहा लाख रुपयांचा मुद्देमाल पोलिसांनी जप्त करण्यात आला असून, गोपनीय शाखेचे विठ्ठल राठोड यांच्या तक्रारीवरून चालक याच्याविरुद्ध गुन्हा दाखल करण्यात आला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
