हिंगोली - हिंगोली शहरात वाढत्या उष्णतेचा गंभीर परिणाम दिसून येत असून, यंदाच्या उन्हाळ्यातील पहिला बळी गेल्याची घटना समोर आली आहे. 30 वर्षीय तरुणाचा उष्माघाताने मृत्यू झाल्याचे वैद्यकीय तपासणीत स्पष्ट झाले आहे..मिळालेल्या माहितीनुसार, हिंगोली बसस्थानक परिसरात एका तरुणाचा मृतदेह आढळून आला होता. याची माहिती मिळताच शहर पोलिसांनी तात्काळ घटनास्थळी धाव घेत मृतदेह ताब्यात घेतला आणि उत्तरीय तपासणीसाठी शासकीय रुग्णालयात पाठवला.सोशल मीडियावर मृतदेहाचे छायाचित्र प्रसारित झाल्यानंतर मृताची ओळख पटली. मृत तरुण हा रफीक रेख उस्मान (वय 30, रा. अनसिंग, ता. औंढा नागनाथ) असल्याचे समोर आले. त्यानंतर त्याच्या नातेवाईकांनी रुग्णालयात धाव घेतली..उत्तरीय तपासणीनंतर डॉक्टरांनी उष्माघातामुळे मृत्यू झाल्याचे स्पष्ट केले. त्यामुळे मागील दोन दिवसांपासून वाढलेल्या तापमानाचा हा पहिला बळी ठरला आहे. दरम्यान, मृत रफीक रेख हे दोन दिवसांपूर्वी मुलांना सोडण्यासाठी हिंगोलीत आले होते. त्यानंतर ते घरी परतले नसल्याने कुटुंबीयांनी त्यांचा शोध सुरू केला होता..हिंगोली शहरातील तापमान मागील दोन दिवसांत मोठ्या प्रमाणात वाढले असून, एप्रिल महिन्यातच तापमान 42 अंश सेल्सिअसपर्यंत पोहोचले आहे. सकाळी ११ नंतर शहरात उकाडा जाणवत आहे. या पार्श्वभूमीवर नागरिकांनी उन्हापासून बचाव करण्यासाठी काळजी घेण्याचे आवाहन प्रशासनाने केले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
