देगलूर - तालुक्यातील मौजे शहापूर येथील शेतकरी चंद्रकांत नागोराव माडपते यांनी नापिकी आणि अतिवृष्टीमुळे हताश होऊन जीवन संपविल्याची घटना घडली आहे..चंद्रकांत नागोराव माडपते यांना स्वतःच्या मालकीची तीन एकर जमीन आहे. गेल्या चार महिन्यापासून सतत पाऊस पडून या भागात वेळेस पूर परिस्थिती निर्माण झालेली होती.जमिनीत टाकलेले महाग मोलाचे बियाणे व त्यावर होणारा खर्च यातून निघणे कठीण झाल्याने मी यापुढील काळात घर कसे चालवु? व बँकेकडून घेतलेल्या कर्जाची परतफेड कशी करावी? वर्षभर कुटुंबाच्या गाडा कसा हाकावा? या विवंचनेत चंद्रकांत माडपत्ते दोन-तीन दिवस तणावात होते..सोमवारी ता. ६ रोजी त्यांनी हाताश होऊन विष प्राशन केले. ही घटना कुटुंबीयांना समजतात त्यांनी तात्काळ त्यांना प्राथमिक उपचारार्थ शहापूर येथील आरोग्य केंद्रात दाखल केले. प्रकृती बिघडल्याने त्यांना पुढील उपचारासाठी देगलूर येथील ग्रामीण उपजिल्हा रुग्णालयात दाखल केले, मात्र त्यांची प्राणज्योत मालवली..मयताची पत्नी सुरेखा माडपते यांनी दिलेल्या फिर्यादीवरून देगलूर पोलिसात गुन्हा दाखल करण्यात आला आहे. या प्रकरणाचा पुढील तपास पोलीस निरीक्षक मारुती मुंढे हे करीत असल्याचे सांगण्यात आले..महेश शेतकरी चंद्रकांत माडपत्ते यांच्या पश्चात पत्नी व दोन लहान मुले असून, कुटुंबाच्या करता धरताच मृत्यू पावल्याने हे कुटुंब उघड्यावर पडले आहे. चंद्रकांत माडपत्ते यांच्या मृत्यूने शहापुर परिसरात हळहळ व्यक्त केली जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
