Georai News : कालव्यात पडल्याने दहा वर्षीय मुलाचा बुडून मृत्यू; तब्बल बारा किलोमीटर अंतरावर आढळून आला मृतदेह

उजव्या कालव्यात पडल्याने दहा वर्षीय मुलगा वाहून गेल्याची दुर्दैवी घटना काल गेवराईत घडली.
water canal
water canalsakal
Updated on

गेवराई - उजव्या कालव्यात पडल्याने दहा वर्षीय मुलगा वाहून गेल्याची दुर्दैवी घटना काल गेवराईत घडली. कुटुंबीय आणि पोलीस प्रशासनाने शोधकार्य सुरू केले असता काल मृतदेह मिळाला नसल्याने आज पुन्हा शोधकार्य सुरु केले असताना दुपारी बारा किलोमीटर अंतरावरील जातेगाव शिवारात मुलाचा मृतदेह आढळून सापडला.

तलवाडा (ता. गेवराई, जि. बीड) गणेशनगर भागातील अमर शिवाजी लोखंडे (वय-१०) हा काल दुपारी काही कालव्यात पोहण्यास गेला असताना तो पाण्यात पडला पाणी वाहते असल्याने तो पून्हा वर आला नाही. सोबत गेलेल्या साथीदार यांनी घराकडे धाव घेत अमर पाटात पडला अशी माहीती कुटुंबीयाना मिळताच त्यांनी कालव्याकडे धाव घेतली.

ज्या ठिकाणी अमर पडला येथे काही नागरीकांनी शोध घेतला, परंतू तो सापडला नाही. काल दुपारनंतर त्याचे शोधकार्य सुरू होते. रात्र झाल्याने आज सकाळी पुन्हा शोध सुरु केला असताना तब्बल बारा किलोमीटर अंतरावरील जातेगाव शिवारात अमर लोखंडे या मुलाचा मृतदेह आढळून आला.

तलवाडा पोलीस ठाण्याचे सहायक पोलीस निरीक्षक सोमनाथ नरके,फौजदार स्वप्नील कोळी यांच्यासह पोलीस कर्मचारी घटनास्थळावर दाखल होऊन अमर याचा मृतदेह शवविच्छेदन करण्यात पाठविण्यात आला.

दरम्यान, मागील आठवड्यात शनिवार (ता. २३) धोंडराई येथील अमोल यादव या युवकाचा कालव्यात पडुन मृत्यू झाला. तोच काल गुरुवारी (ता. २६) अमर लोखंडे या दहा वर्षीय मुलाचा कालव्यात पडल्याने बुडून मृत्यू झाल्याने तलवाडयात हळहळ व्यक्त होत आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Loading content, please wait...

Related Stories

No stories found.
Marathi News Esakal
www.esakal.com