अंबड : जालना जिल्हयातील जालना -बिड महामार्गावरील अंबड शहरापासून अवघ्या तीन किलोमिटर अंतरावर असलेल्या पारनेर पेट्रोलपंपालगत एका दुचाकी चालकाला अज्ञात वाहनाने जोराची धडक देऊन चिरडले आहे. या भीषण अपघातामध्ये एकजण जागीच ठार तर दुसरा गंभीर जखमी झाला आहे. .याबाबत सविस्तर माहिती अशी की, अंबड शहरात कामासाठी उत्तर प्रदेश येथून आलेला तरुण भानू घनशाम यादव (वय 22) वर्ष आहिरारुला आहुदाई सिध्दार्थनगर उत्तर हा त्याचा मित्र अंकुश राधेश्याम मिश्री (वय 21) वर्ष हे दोघे दुचाकी एम. एच.21 सी. बी.सी.6449 वरून पिण्याचे पाणी आणण्यासाठी पारनेर पेट्रोल पंप परिसरातील जलवाहिनीच्या व्हॉल्वला लागलेल्या गळतीवरून पाणी भरण्यासाठी जात असताना रस्त्यातच पाठीमागून भरधाव वेगाने आलेल्या अज्ञात वाहनाने जोराची धडक देऊन चिरडल्याने दुचाकी चालक भानू घनशाम यादव (वय 22) वर्ष हा जागीच ठार झाला तर त्याचा मित्र अंकुश राधेश्याम मिश्री (21) वर्ष हा अपघातात गंभीर जखमी झाला..हि घटना शुक्रवारी (ता.13) सकाळी साडे आठ ते नऊ वाजेच्या दरम्यान घडली आहे. अज्ञात वाहन चालकाने घटनास्थळी न थांबता पलायन केले आहे. जखमीला ग्रामस्थ, पोलिस यांच्या मदतीने रुग्णवाहिकेतून अंबड शहरात उपचारासाठी हलविण्यात आले होते. याचबरोबर मयताचे उपजिल्हा रुग्णालयात मयताचे श्र्वाविचेदन करण्यात आले आहे. तर जखमीवर प्राथमिक उपचार करुण जालना शहरात उपचारासाठी हलविण्यात आले आहे..घटनास्थळी पोलिस कर्मचारी राधाकिसन हरकळ, विनोदकुमार केंद्रे, जयशंकर लोखंडे अविनाश नरवडे हे अपघातस्थळी पोहचले.पोलिस हेड कॉन्स्टेबल अविनाश नरवडे यांनी पंचनामा केला.या दुर्दैवी घटनेने अंबड शहरासह परिसरात हळहळ व्यक्त करण्यात येत आहे. अंबड पोलिस ठाण्यात या घटनेची अकस्मात मृत्यूची नोंद करण्यात आली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
