हिंगोली : येथील मोंढ्यात गुरुवारी (ता. २८) एक हजार ३६२ क्विंटल हळदीची आवक झाली. हळदीला १३ हजार ३०० रुपये क्विंटल भाव मिळाला तर सोयाबीनची आवक एक हजार ८३ क्विंटल झाली भाव चार हजार १५० रुपये मिळाला..हिंगोलीच्या मोंढ्यात दररोज शेतमालाची आवक वाढली आहे. सध्या सोयाबीन काढणी संपल्यावर शेतकऱ्यांनी आता सोयाबीन विक्रीसाठी काढले आहे. बहुतांश शेतकरी मोंढ्यातच शेतमालाची विक्री करतात. गुरुवारी येथील मोंढ्यात सोयाबीन आवक एक हजार ८३ क्विंटल झाली भाव चार हजार १५० रुपये मिळाला..बुधवारी सोयाबीन ४ हजार २४७ रुपये क्विंटलप्रमाणे विकले होते, त्यात गुरुवारी ९७ रुपयांची घसरण झाली. हळद आवक एक हजार ३६२ क्विंटल झाली होती. तिला सरासरी भाव १३ हजार ३०० रुपये मिळाला. बुधवारी हळदीचा १२ हजार ९०० रुपये क्विंटलप्रमाणे भाव होता. गुरुवारी यात चारशे रुपयांची वाढ झाली आहे. मोंढ्यात आलेल्या इतर धान्यात हरभरा आवक २०० क्विंटल सरासरी भाव ६,२४७, तूर आवक ३१ क्विंटल सरासरी भाव ९,४५० रुपये, उडीद आवक ५५ क्विंटल सरासरी भाव सहा हजार रुपये, मूग आवक १० क्विंटल सरासरी भाव ६७५० रुपये क्विंटलप्रमाणे होता..सध्या शेतकऱ्यांनी मागील वर्षी ठेवलेली हळद विक्रीसाठी मोंढ्यात आणली आहे. काही शेतकरी भावात वाढ होईल, या अपेक्षेने ठेवतात. काही दिवसांपूर्वी हळद १६ ते १७ हजार रुपये क्विंटलप्रमाणे विकली. त्यानंतर मात्र भावात घसरण झाली. १२ हजारांपर्यंत गेलेला दर आता १३ हजारांपर्यंत येऊन ठेपला आहे. सोयाबीन मात्र साडेचार हजार रुपयांच्या पुढे सरकत नाही.- प्रकाश काळे, शेतकरीसोयाबीन व हळदीची दररोज आवक आहे. भावात चढ-उतार सुरू आहे. गुरुवारी हळद १३ हजार ३०० रुपये भाव होता. तर सोयाबीन ४,१५० रुपये क्विंटल प्रमाणे विकले गेले.- नारायण पाटील, सचिव, बाजार समिती, हिंगोली.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
