लातूर : काही महिन्यांपासून लातूर जिल्ह्यातील विविध ठिकाणी महावितरणच्या ॲल्युमिनियम वीजवाहिन्या चोरीचे प्रकार घडत होते. याबाबत कसून तपास करत पोलिसांच्या स्थानिक गुन्हे शाखेच्या पथकाने नांदेड जिल्ह्यातून दोघांना ताब्यात घेतले आहे..त्यांच्याकडून ॲल्युमिनियम चोरीचे तीन गुन्हे उघड झाले असून ६ लाखांचा मुद्देमाल पोलिसांनी जप्त केला. यातील तीन संशयित फरार झाले आहेत. जिल्ह्यातील अहमदपूर, चाकूर व उदगीर ग्रामीण या पोलिस ठाण्यात दाखल असलेल्या चोरीचे गुन्हे उघडकीस आणण्याकरिता स्थानिक गुन्हे शाखेचे प्रयत्न सुरू होते..त्या अनुषंगाने माहितीचे संकलन करीत असताना स्थानिक गुन्हे शाखेच्या पथकाला ॲल्युमिनियम वायर चोरीच्या गुन्ह्यातील गुन्हेगार हे नांदेड जिल्ह्यातील असून त्यांनी तर साथीदारासह लातूरमध्ये चोरीचे गुन्हे केल्याची माहिती मिळाली. त्यामुळे शनिवारी (ता.आठ) लातुरातील पोलिसांचे पथक तत्काळ नांदेड जिल्ह्यातील माळटेकडी परिसरामध्ये पोचून दोघांना ताब्यात घेतले..संदीप लक्ष्मण गायकवाड (वय २५, रा. पुणेगाव, जि. नांदेड) आणि शेषराव शामराव वाघमारे (वय २६. रा. पांगरी तामसा) अशी पोलिसांनी ताब्यात घेतलेल्या दोन तरुणांची नावे आहेत. या प्रकरणी सचिन आनंदराव कांबळे (रा. माळटेकडी. जि. नांदेड. सध्या रा. पंचशीलनगर जि. परभणी), बादल अशोक गायकवाड (रा. अंबड, जि. जालना), आदिनाथ मनोहर मोरे (रा. सुमठाणा, जि. हिंगोली) हे तिघे फरार असून या तिघांच्या मदतीने ॲल्युमिनियम वायर चोरीचे गुन्हे केल्याचे दोन्ही तरुणांनी कबूल केल्यांचे पोलिसांनी सांगितले..Fish Farming : उत्तराखंडच्या मत्स्य शेतकऱ्यांचा महाराष्ट्रात अभ्यास दौरा,खेड तालुक्यातील शिवे संस्थेला भेट.ताब्यातील संशयितांना पुढील तपासासाठी अहमदपूर पोलिसांच्या ताब्यात देण्यात आले आहे. संशयितांनी चोरी केलेल्या २ लाख ८४ हजार ७५८ रुपयाच्या ॲल्युमिनियमच्या वायरचा मुद्देमाल व गुन्ह्यात वापरलेले पिकअप वाहन असे एकूण ६ लाख ९ हजार ७५८ रुपयांचा मुद्देमाल जप्त करण्यात आला आहे. फरारी संशयितांचा शोध सुरू आहे. ही कामगिरी स्थानिक गुन्हे शाखेचे पोलिस निरीक्षक संजीवन मिरकले यांच्या मार्गदर्शनात पोलिस उपनिरीक्षक संजय भोसले, पोलिस अंमलदार योगेश गायकवाड, सूर्यकांत कलमे, राजेश कंचे, तुळशीराम बरुरे, गोविंद भोसले, चंद्रकांत केंद्रे, प्रदीप चोपणे यांनी केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
