उमरगा (जि. धाराशिव) - तालुक्यातील शिवाजीनगर तांडा (दाळिंब) येथील दोन लहान मुलांचा तलावातील पाण्यात बुडून दुर्दैवी मृत्यू झाल्याची घटना सोमवारी (ता. २८) सायंकाळी पाचच्या सुमारास उघडकीस आली..याबाबतची प्राप्त माहिती अशी की, शिवाजीनगर तांडा (दाळिंब) येथील सुशांत बाळू चव्हाण वय सहा व प्रमोद बालसिंग चव्हाण वय सात हे दोघे सोमवारी दुपारी दोनच्या सुमारास परिसरात असलेल्या आई शेती कामासाठी गेलेल्या शेताकडे गेले होते..आई शेतात काम करीत असताना दोघेही शेता शेजारील येलोरे यांच्या शेताजवळील पाझर तलावाशेजारी खेळत पाण्याजवळ गेले होते. तेथे दोघेही पाण्यात पाय घसरून पाण्यात पडले. शेतातून मुले कुठे गेले म्हणुन आई व नातेवाईकांनी शोध घेतला. शेवटी सायंकाळी पाच वाजता पाझर तलावात एक मुलाचा शर्ट पाण्यावरती आल्याचे दिसून आले..दोघांनाही तलावातून बाहेर काढण्यात आले, तात्काळ दाळिंब येथील प्राथमिक रुग्णालयात दाखल केले असता तेथील डॉक्टरांनी त्यांना येणेगूर येथील सरकारी दवाखान्यात घेऊन जाण्यास सांगितले. येणेगूर येथे सरकारी रुग्णालयात दाखल केले असता डॉक्टरांनी दोघांनाही मयत घोषित केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
