लातूर : विलासराव देशमुख शासकीय वैद्यकीय विज्ञान संस्थेत उपचारासाठी दाखल असलेल्या ६९ वर्षीय व्यक्तीची गेल्या आठ दिवसांपासून कोरोनाविरोधात सुरू असलेली झुंज अखेर अपयशी ठरली. उपचारादरम्यान बुधवारी (ता. १०) मध्यरात्री त्यांचा मृत्यू झाला. त्यानंतर काही तासांत आणखी एका ७५ वर्षीय कोरोनाबाधित रुग्णाचा मृत्यू झाला. दरम्यान, आज दिवसभरात सहा नवे रुग्ण लातूर आढळले.
कोरोनामुळे मृत्यू झालेली ६९ वर्षीय व्यक्ती ही मूळची औसा (कादरीनगर) येथील आहे. ते सोलापूरहून प्रवास करून लातुरात आले होते.
त्यांना दोन जूनला रुग्णालयात दाखल करण्यात आले. त्यांना पूर्वीपासूनच किडनी, उच्च रक्तदाब, मधुमेहाचा त्रास होता. दोनवेळा डायलिसिस करण्यात आले होते. त्यांना ऑक्सिजन सपोर्ट देण्यात आला होता. ७५ वर्षीय कोरोनाबाधित अडत व्यापाऱ्याचा उपचारादरम्यान मृत्यू झाला. तेरा दिवसांपासून त्यांच्यावर येथे उपचार सुरू होते. त्यांना आधीपासून उच्च रक्तदाबाचा त्रास होता. रुग्णालयात ते ऑक्सिजन सपोर्टवर होते. व्हेंटिलेटरवर ठेवण्यात आले होते. कोरोनामुळे त्यांना न्यूमोनियाही झाला होता. सायंकाळी साडेपाचला त्यांचा मृत्यू झाला, अशी माहिती संस्थेचे अधिष्ठाता डॉ. गिरीश ठाकूर, डॉ. मारुती कराळे, डॉ. राजेश बोबडे यांनी दिली. जिल्ह्यात कोरोनाबळींची संख्या आता सहा झाली. यातील तिघांचे उदगीर, तर तिघांचे मृत्यू लातुरातील रुग्णालयात झाले आहेत.
लातूरसह जिल्ह्यात पाऊस, मुसळधार पावसाने नागरिकांची धावपळ
जिल्ह्यात सहा नवे कोरोनाबाधित रुग्ण, ४१ जणांचा अहवाल निगेटिव्ह
लातूर जिल्ह्यात बुधवारी (ता.दहा) दिवसभरात सहा नवे कोरोनाबाधित रुग्ण आढळले. जिल्हयातील एकुण ५६ व्यक्तींचे स्वॅब आज संस्थेत तपासणीसाठी आले होते. त्यात संस्थेतील एकुण २३ व्यक्तींचे स्वॅब होते. त्यापैकी १६ व्यक्तींचे अहवाल निगेटीव्ह आले असून ३ व्यक्तींचे अहवाल प्रलंबित आहेत तर ४ व्यक्तींचे अहवाल पॉझिटिव्ह आले आहेत. त्यापैकी २ व्यक्ती लातूर शहरातील उस्मानपुरा आणि हत्ते नगर येथील आहेत. उर्वरित दोन व्यक्ती उदगीर (सराफ लाईन) आणि औसा तालुक्यातील अंधोरा येथील आहे.
उदगीर येथून ५ व्यक्तींचे स्वॅब तपासणीसाठी आले होते. त्यापैकी ३ व्यक्तींचे अहवाल निगेटिव्ह आले असून २ व्यक्तींचे अहवाल पॉझिटिव्ह आले आहेत. औसा येथून २४ व्यक्तींचे स्वॅब तपासणीसाठी आले होते. त्यापैकी २२ व्यक्तींचे अहवाल निगेटिव्ह आले असून २ व्यक्तींचे अहवाल अंतिम आले नाहीत. कोविड केअर सेंटर (लातूर) येथुन ४ व्यक्तींचे स्वॅब तपासणीसाठी आले होते. हे अहवाल प्रलंबित आहेत, अशी माहिती विषाणु संशोधन व निदान प्रयोगशाळेचे प्रमुख डॉ.विजय चिंचोलकर यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.