लातूर : विजेचा धक्का लागून कोळपा (ता. लातूर) येथे दोघांचा मृत्यू झाला, तर दोघे जखमी झाल्याची घटना गुरुवारी (ता. १०) घडली. विवेकानंद चौक पोलिस ठाण्यात घटनेची नोंद झाली आहे..गोपाळ शंकर जोडपे (वय ४०), सूरज देवराव गायकवाड (२५), अंकुश मारोती कांबळे (२९) व अजित लक्ष्मण जाधव (१४) कोळपा येथे एका ठिकाणी पंचशील ध्वज लावण्यासाठी गेले होते. या जागेवरून महावितरणची ११ केव्हीची वीजवाहिनी गेलेली आहे..सूरज गायकवाड व अंकुश कांबळे लोखंडी पाइपला ध्वज लावून उभा करण्याचा प्रयत्न करीत होते. जवळच अन्य दोघे होते. लोखंडी पाइप वीजतारेला लागल्याने धक्का बसून दोघे कोसळले. त्यांना येथील विलासराव देशमुख शासकीय वैद्यकीय महाविद्यालयात उपचारासाठी नेण्यात आले..उपचारापूर्वीच त्यांचा मृत्यू झाला. ग्रामस्थांनी रुग्णालयात धाव घेतली. पोलिस अधीक्षक अमोल तांबे, विवेकानंद चौक पोलिस ठाण्याचे निरीक्षक संतोष पाटील यांनी घटनास्थळी पाहणी केली. अन्य दोघे जखमी असून त्यांची प्रकृती स्थिर असल्याची माहिती पोलिसांनी दिली..पाथरी ः शेतात कापसाच्या आंतरमशागतीचे काम सुरू असताना विद्युत प्रवाह उतरलेल्या खांबावरील ताणाला स्पर्श झाल्याने शेतकऱ्याचा मृत्यू झाला. यावेळी दोन बैलही दगावले. ही घटना तालुक्यातील पाथरगव्हाण बुद्रुक शिवारात शुक्रवारी (ता. ११) सकाळी घडली..अल्पभूधारक शेतकरी प्रल्हाद गोपाळराव घांडगे (वय ४०) लहान भाऊ विकास घांडगेसह गावशिवारातील गट क्रमांक २६८ मध्ये स्वतःच्या शेतात कापसाच्या आंतरमशागतीसाठी सकाळी शेतात गेले होते. बैलजोडीच्या मदतीने अंतरमशागत सुरू असताना लोखंडी औताचा विजेच्या खांबास ताण दिलेल्या तारेला स्पर्श झाला. .Beed News: अल्पवयीन पंधरा मुलांची थेट विक्रीच; गहूखेलमधील प्रकरणात बालसंरक्षण अधिकाऱ्यांची पोलिसांना माहिती.या ताणात विद्युत प्रवाह असल्याने प्रल्हाद घांडगे, दोन बैलांना जोरदार शॉक बसला. घटनेनंतर त्यांचा लहान भाऊ आरडाओरड करू लागला. ग्रामस्थांच्या मदतीने तातडीने प्रल्हाद घांडगे यांना पाथरीतील खासगी, नंतर शासकीय ग्रामीण रुग्णालयात दाखल केले असता डॉक्टरांनी त्यांना मृत घोषित केले. प्रल्हाद घांडगे वारकरी व अत्यंत शांत, मनमिळावू स्वभावाचे होते. त्यांच्या निधनाने गावात शोककळा पसरली. घटनेची माहिती पाथरी पोलिसांना देण्यात आली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
