लोअर दूधना धरणाचे दोन दरवाजे उघडले

सेलू (जि. परभणी) - लोअर दूधना प्रकल्प धरणात स:द्यस्थितीत जीवंत साठा १७१.६०३ दलघमी असून जीवंत साठा टक्केवारी ७०.८५ इतका आहे. लोअर दुधना प्रकल्पात होत असलेली पाण्याची आवक लक्षात घेता बुधवारी ( ता. २७ ) रोजी सकाळी आठ वाजता प्रकल्पाचे दोन दरवाजे प्रत्येकी ०.३५ मीटरने उघडण्यात आले असून दूधना नदी पात्रात २३५७ क्युसेसने पाण्याचा विसर्ग करण्यात येत आहे.

त्यामुळे दूधना नदी पात्रातील पाणी पातळी वाढून पूरस्थिती होण्याची शक्यता नाकारता येत नाही. तरी नदी काठच्या गावांना सतर्क राहण्या बाबत तसेच नदी पात्रात कुणीही जाऊ नये, पाळीव प्राणी, गुरेढोरे, विद्युत मोटारी तसेच इतर तत्सम साहित्य इत्यादी तत्काळ काढून घेण्याबाबत तसेच कुठलीही जीवित वा वित्तहानी होणार नाही. या बाबत संबधित गावांना महसूल विभागामार्फत सावधानतेचा इशारा देण्यात आला आहे.