वरुड तांडा शिवारात दोन दुचाकीचा अपघात, एक जण जागीच ठार | Sakal
sakal

बोलून बातमी शोधा

Accident

वरुड तांडा शिवारात दोन दुचाकीचा अपघात, एक जण जागीच ठार

हिंगोली - आखाडा बाळापूर ते नांदेड मार्गावर वरुड तांडा शिवारात दोन दुचाकीच्या धडकेत एक जण जागीच ठार झाल्याची घटना शनिवारी ता. २१ पहाटे घडली आहे. याबाबत पोलिसांनी दिलेल्या माहितीनुसार कळमनुरी तालुक्यातील जवळा पांचाळ येथील सतीश नरवाडे वय २२ हा युवक त्याच्या दुचाकी वाहनावर शुक्रवारी ता. वीस नांदेड येथे गेला होता. त्यानंतर काम आटोपून तो परत जवळा पांचाळ येथे निघाला होता. तो वरुडतांडा शिवारात आल्यावर एका दुचाकी वाहनाने सतीशच्या दुचाकीला धडक दिली या अपघातात सतीश गंभीर जखमी होऊन अतिरक्तस्त्राव झाल्यामुळे त्याचा जागीच मृत्यू झाला.

दरम्यान शनिवारी पहाटे पाच वाजता ही घटना आखाडा बाळापुर पोलिसांना कळाल्याने सहाय्यक पोलिस निरीक्षक पंढरीनाथ बोधनापोड , उपनिरीक्षक शिवाजी बोंडले , जमादार शेख बाबर , प्रभाकर भोंग यांच्या पथकाने घटनास्थळी भेट दिली. पोलिसांनी मयत सतीश नरवाडे यांचा मृतदेह उत्तरीय तपासणीसाठी डोंगरकडा येथील प्राथमिक आरोग्य केंद्रात दाखल केला.

Web Title: Two Twowheeler Accident One Killed On The Spot

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top