उदगीर, (जि.लातुर) : शहरातील आडत लाईन परिसरात अज्ञात चोरट्यांनी दुकान फोडून तब्बल १ लाख ५० हजार रुपयांची रोकड लंपास केल्याची घटना उघडकीस आली आहे. याप्रकरणी उदगीर शहर पोलीस ठाण्यात गुन्हा दाखल करण्यात आला आहे..पोलिसांकडून मिळालेल्या अधिक माहितीनुसार, फिर्यादी कमलाकर मारोतीराव भंडे (वय ४२, रा. दावनगाव, सध्या दत्तनगर, उदगीर) यांचे आडत दुकान मोंढा परिसरात आहे. सोमवारी (ता.२३) मार्च रोजी रात्री १०.३० ते मंगळवारी (ता.२४) मार्च रोजी सकाळी १०.३० च्या दरम्यान अज्ञात चोरट्यांनी दुकानाच्या पत्र्याचे नट-बोल्ट काढून आत प्रवेश केला..यानंतर चोरट्यांनी दुकानातील कपाटातील लॉकर उघडून विविध चलनी नोटांच्या बंडलसह एकूण १,५०,००० रुपयांची रोकड चोरून नेली. या घटनेनंतर फिर्यादी यांनी गुरुवारी (ता.२६) मार्च रोजी पोलीस ठाण्यात हजर होऊन तक्रार दिली..या प्रकरणी भारतीय न्याय संहितेनुसार अज्ञात आरोपीविरुद्ध गुन्हा नोंद करण्यात आला आहे. पुढील तपास पोलीस उपनिरीक्षक काळे हे करत आहेत.दरम्यान, शहरात वाढत्या दुकानफोडीच्या घटनांमुळे व्यापाऱ्यांमध्ये भीतीचे वातावरण निर्माण झाले असून पोलिसांनी रात्रीच्या गस्तीत वाढ करण्याची मागणी होत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
