जिंतूर - शहरापासून दहा किलोमीटरवर जिंतूर-जालना महामार्गावर खडकपाटी जवळील एका धाब्यासमोर अज्ञात वाहनाच्या धडकेत गंभीर झालेल्या दुचाकीस्वाराचा उपचारादरम्यान मृत्यू झाला. सदरील घटना मंगळवारी (ता. २९) संध्याकाळी सात नंतर घडली..जालना जिल्ह्यातील दहिफळ येथील 34 वर्षीय युवक आपल्या नवजात बालकाला जांब येथे पहाण्यास येत असताना अज्ञात वाहनाने त्यास मंगळवार 29 एप्रिल रोजी सायंकाळी 7 वाजण्याच्या सुमारास जोराची धडक दिली. अपघातात गंभीररित्या जखमी झालेल्या युवकाचा उपचारादरम्यान मृत्यू झाला. यमराज साहेबराव चव्हाण (३४ वर्षे, रा. दहिफळ जि. जालना) असे अपघातग्रस्ताचे नाव समजले..याबाबत अधिक माहिती अशी, यमराज चव्हाण यांना कन्या झाल्याने ते दुचाकीवरून जिंतूर तालुक्यातील जांब बु. येथे मुलगी पाहण्यासाठी येत होते. परंतु जालना मागमार्गावरील खडक पाटीजवळ अज्ञात वाहनाने त्यांच्या दुचाकीला जोराची धडक दिली. आणि अज्ञात वाहन चालक घटनास्थळावरून पसार झाला..या अपघातात गंभीर जखमी अवस्थेत पडलेल्या चव्हाण यांना स्थानिक नागरिकांच्या मदतीने तत्काळ जिंतूर येथील ग्रामीण रुग्णालयात हलविण्यात आले. मात्र, प्रकृती चिंताजनक असल्याने त्यांना पुढील उपचारासाठी परभणी येथील सामान्य रुग्णालयात पाठविण्यात आले होते. तेथे उपचारादरम्यान त्यांचा मृत्यू झाला. त्यांच्या पश्चात पत्नी, दोन मुले आणि एक नवजात मुलगी आहे.अपघातानंतर संबंधित वाहन चालक फरार झाला असून, पोलिस घटनेचा पुढील तपास करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
